بدأت بالبطاطس.. إيه اللي بيحصل في الاسواق دلوقتي

البطاطس واحدة من الخضروات اللي عليها ازمة كبيرة قوي واسعارها ارتفعت بشكل كبير جدا في الاسواق، وكل يوم سعرها بيزيد عن اللي قبله، يا تري ليه اسعار البطاطس بتزيد في الأسواق.. واية سبب الأزمة دي

البطاطس واحدة من الخضروات اللي مطلوبة بشكل شبه يومي في كل بيت مصري واللي مينفعش يعدي يوم علي اغلب الاسر المصرية من غير ما تكون موجودة علي السفر سواء كانت بطاطس محمرة أو مهروسة أو في صورة خضار أو صورة محاشي وغيرها، خصوصا أن الشفت المصري طور من استخداماتها وحاليا دخلت في اشكال واصناف كتيرة جدا من الأكل المصري.
في الفترة الأخيرة اسعار البطاطس في الأسواق ارتفعت بشكل كبير وسعر الكيلو حاليا عد 25 جنية وطبعا بيختلف السعر من منطقة للتانية وفي مناطق الاسعار عدت 30 و 35 جنية للكيلو، والناس كلها بتستغرب من ارتفاع الأسعار خصوصا أن موسم حصاد البطاطس لسه منتهي من فترة قريبة ومصر من الدول اللي عندها انتاجية كبيرة في محصول البطاطس وكمان بتصدر نسبة كبيرة من الانتاج المصري من البطاطس للخارج، وعلي طول السنين مكنش عندنا ازمة لا في انتاج ولا سعر البطاطسن فا تري اية هيا سبب الأزمة دي.
حاتم النجيب نائب رئيس شعبة الخضراوات والفاكهة في الغرفة التجارية بالقاهرة؛ قال أن سعر كيلو البطاطس بيتراوح ما بين 28 إلى 35 جنيها في أسواق التجزئة، وفي اسواق الجملة بيتراوح من 19 إلى 23 جنيها؟، وده سعر مرتفع جدا عن اسعار السنة اللي فات واللي وصل اعلي سعر لها في سوق الجملة لـ12 جنية.
نائب رئيس شعبة الخضراوات والفاكهة في الغرفة التجارية بالقاهرة اتكلم وقال أن سعر البطاطس في السوق زيه زي باقي أسعار الخضراوات والفاكهة وبيتوقف على العرض والطلب، وفي الفترة اللي جاية ممكن اسعار البطاطس تنخفض عن الاسعار الموجودة عليها حاليا لو زاد المعروض من المحصول، وطالب بضرورة تنظيم عملية تصدير البطاطس علشتن يكون في موزانة في الأسعار ولازم يكون في رصيد يكفي السوق المصري والمستهلك.
النجيب قال كمان وقال أن الحكومة مهتمة بتعزيز الأرصدة الدولارية من الصادرات المصرية للبطاطس، بس لازم يحصل توازن في السوق المحلي، ولازم يكون في كمان رقابة قوية من الحكومة لإعادة السيطرة علي الاسعار في الاسواق، وحذر كمان من زيادة الازمة في الايام اللي جاية بسبب نقص المعروض من انتاج البطاطس .
حسين أبو صدام نقيب الفلاحين اتكلم هو كمان عن ازمة اسعار البطاطس في الاسواق وقال أن مصر مش هتسفيد لو وقفت تصدير البطاطس خصوصا أن مصر بتنتج 7 ملين طن بطاطس سنويا ونستهلك منها 5 مليون طن بس، وان الدولة والتجار والموردين مرتبطين بتعاقدات مع المستوردين في الدول الخارجية ولازم يتم احترام والوفاء بالتعاقدات دي، ولو الدولة وقفت تصدير البطاطس السعر هيوصل لـ2  جنيه والمزارع مش هيزرع تاني».
نقيب الفلاجين اتكلم كمان وقال أن سعر كيلو البطاطس هينخفض في الايام اللي جاية بنسبة  50% في شهر نوفمبر اللي جاي وبدون وقف التصدير مع زيادة الكمية المعروضة في الأسواق.