إلحق اشتري.. إيه اللي قلب حال سوق السيارات
ايه اللي بيحصل في سوق السيارات دلوقتي وليه السوق مقلوب وليه الاسعار نزلت بالشكل ده وياترى إيه أنسب وقت تشتري فيه زيرو ومستعمل خليكم معانا لأخر الفيديو وهنعرف التفاصيل كلها
زيك زي الاف الناس اللي مستنية أسعار العربيات تنزل في مصر بعد مارجعت تاني تزيد بعد أزمة الجمارك وحجز الاف العربيات في المواني دلوقتي بنبشرك إن السوق حاله اتقلب والاسعار رجعت تنزل تاني بشكل كبير جدا وصلت لربع مليون جنيه انخفاض في عدد من الموديلات الزيرو.
طيب ايه اللي حصل في السوق؟.. لو انت متابع بانكير على مدار الايام اللي فاتت فأكيد انت عارف بأزمة حجز الاف العربيات الزيرو في الجمارك ووقف الاستيراد مؤقتا بسبب اكتشاف تلاعب من المستوردين في عمليات الاستيراد وخاصة في اجراءات استيراد سيارات المعاقين وكان لازم الدولة يبقالها وقفة مع المتلاعبين وتضمن حقها وفق القانون.
واللي حصل إن وزارة المالية اعتمدت اجراءات جديدة لسد الثغرات وفعلا بدأت تفرج على العربيات المحجوزة وتفتح الاستيراد بس بمعايير جديدة وبمجرد دخول العربيات من المواني بدأ السوق يتنفس والاسعار تنزل وفيه حاجة كمان ساعدت في نزول أسعار العربيات وهي استقرار سعر صرف الدولار والانخفضات اللي بيشهدها من فترة امام الجنيه والتوقعات اللي بتقول إن سعره هينزل ل43 جنيه كأقصيى تقدير ودا بسبب التدفقات الدولارية الكبيرة اللي في قطاع الاستثمار.
طيب ايه علاقة الدولار بسوق العربيات؟.. طبعا فيه ارتباط مباشر لأن قطاع السيارات في مصر هو القطاع الوحيد اللي بيعتمد بشكل شبه كلي على استيراد السيارات وقطع الغيار من الخارج.
أرقام وتجار السوق بيأكدوا إن أسعار السيارات في مصر نزلت على جميع المستويات في الساعات الاخيرة لمختلف الأنواع، ووصلت قيمة التراجعات إلى 250 ألف جنيه حسب كل نوع، وسجل تراجع الأسعار حسب إعلان وكلاء السيارات مثلا في موديل:
«أوبل جراند لاند 2024 أتوماتيك - TOP LINE» 225 ألف جنيه وسجلت مليون و850 ألف جنيه بدل من 2 مليون و75 ألف جنيه.
وسجل سعر سيارة «أوبل جراند لاند تراجع بقيم 250 ألف جنيه ووصل تمنها لمليون و700 ألف جنيه بدل من مليون و950 ألف جنيه.
وتراجع سعر سيارة «أوبل موكا 2024 اتوماتيك / GS LINE» بحوالي 200 ألف جنيه لتسجل مليون و550 ألف جنيه بدل من مليون و750 الف جنيه.
كمان تراجعت أسعار سيارات «جاك 2024 بحوالي 150 ألف جنيه وسجلت 999 ألف و900 جنيه بدلا من 849 ألفًا و900 جنيه.
وانخفض سعر سيارة «جاك J7 2024 أتوماتيك - DELUXE» بقيمة 180 ألف جنيه لتسجل مليون و119.900 جنيه بدلاً من مليون و299.900 جنيه.
أما سيارة موديل «جاك J7 2024 أتوماتيك - ULTIMATE» فتراجع سعرها بقيمة 200 ألف جنيه وسجلت مليون و169.900 جنيه بدلاً من مليون و369.900 جنيه.
وتراجعت كمان أسعار تويوتا بأنواعها المختلفة بقيم تتراوح بين 200 و250 ألف جنيه في السوق... وطبعا اللي معاه فلوس أو ممكن يسحب قرض سيارة من البنوك على السريع فيقدر يشتري دلوقتي بعد الانخفاضات الكبيرة في الاسعار.
