هي الحكومة ممكن تبيع قناة السويس فعلا؟.. مفاجأة تصدمك

هي فعلا الحكومة ممكن تبيع قناة السويس ؟ وهل ده من حقها أصلا ولا لأ؟ وليه بتطلع أخبار كل شوية عن نية الحكومة فى التنازل عن قناة السويس لمستثمرين أجانب؟

فى الفترة الأخيرة بقا فيه كلام كتير جدا عن نية الحكومة التفريط فى قناة السويس وبيعها بهدف التخلص من كابوس الديون اللى تراكمت على مصر فى السنين اللى فاتت وفيه اللى يقولك القناة هتتباع بتريليون دولار واللى يقولك يا عم دي لو اتباعت مش هتسدد ديون مصر بسدي ممكن تخلينا نتنغنغ ونعدي الفقر.. بس محدش سأل نفسه هي الحكومة أصلا تملك حق بيع قناة السويس ؟

وقبل ما نجاوب على السؤال ده خلونا نعرف الأول رد الحكومة على بيع قناة السويس مقابل تريليون دولار

طبعا مع كتر الشائعات وانتشارها حوالين التفريط فى قناة السويس أصدر المركز الإعلامى لمجلس الوزراء بيان حاسم قال فيه  إن هيئة قناة السويس نفت ما تم تداوله من مقطع صوتي يزعم اعتزام الحكومة بيع قناة السويس مقابل تريليون دولار.

وأكد المركز التابع لمجلس الوزراء أنه لا صحة لاعتزام الحكومة بيع قناة السويس مقابل تريليون دولار، وأن المقطع الصوتي المتداول مفبرك، والمعلومات الواردة به مزيفة ولا تمت للواقع بأي صلة.

وشددت الهيئة على أن قناة السويس هتفضل مملوكة بالكامل للدولة المصرية وتخضع لسيادتها سواء في إدارتها أو تشغيلها أو صيانتها، كما سيظل كامل طاقم هيئة القناة من موظفين وفنيين وإداريين من المواطنين المصريين.

نرجع بقا للسؤال الأهم .. هي الحكومة تملك أصلا حق التنازل عن القناة سواء بيبيعها أو أى صورة تانية؟

بص يا سيدي بحكم الدستور محدش يقدر يمس قناة السويس  أو أي من مرافقها المُصانة بالدستور بموجب المادة 43 من الدستور المصري اللي بتنص على التزام الدولة بحماية قناة السويس وتنميتها والحفاظ عليها بصفتها ممر مائي دولي مملوك ليها وعليها انها تلتزم بتنمية قطاع القناة باعتباره مركز اقتصادي مميز.

يعنى بالبلديكده قرار التفريط فى قناة السويس مستحيل ولا يقدر ياخده رئيس حكومة أو أى مسئول فى البلد لأنه ملك المصريين وحق من حقوقهم التاريخية لأن القناة دي اتدفع فيها كتير اتدفع فيها الاف الأرواح اللى ماتتت خلال مراحل حفر القناة وعشان كده هي بالنسبة للمصريين مش مجرد ممر ملاحي بيربط دول العالم وبيساهم فى حركة الملاحة العالمية

ده من الناحية القانونية .. طب بالنسبة للناحية الاقتصادية؟

من الناحية الاقتصادية تقدر تقول ان قناة السويس هى الفرخة اللى بتبيض دهب للحكومة وهى واحدة من أهم مصادر الدولارالى جانب تحويلات المصريين والسياحة والصادرات وقبل أزمة الهجمات الحوثية على السفن فى البحر الأحمر وتهديدحركة الملاحة كانت قناة السويس وصلت الىمعدلات ضخمة فى العوائد اللى بتحققها وصلت الى 10 مليار دولارسنويا والتوقعات كانت بتقول اننا رايحين فى حتة تانية في رسوم القناة .. فازاى ممكن يتم التفريط فى موردللعملة الصعبة بيدخل للبلد مليارات الدولارات سنويا ؟