خطة الـ30 يوم.. إزاي مصر جهزت صفقات الـ70 مليار دولار في سرية تامة
إزاي مصر قدرت في 3 شهور بس انها توصل لاتفاق لصفقات كبرى ب70 مليار دولار وازاي الصفقات دي كانت محاطة بالسرية الشديدة وليه وسر إعلان توقيتها.. كل ده هنعرفه مع حضراتكم تابعونا في الفيديو ده
في مارس اللي فات زارت رئيس المفوضية الأوروبية ومعاها عدد من زعماء اووربا القاهرة والحقيقة محدش كان فاهم ليه 6 من أهم قادة القارة الأوروبية يزوروا مصر مع بعض ولا حد كان فاهم ايه اللي بيحصل ساعتها لغاية ما طلع اعلان توقيع اتفاقية الشراكة الاستراتيجية بين مصر وأوروبا وساعتها بردو محدش اهتم اووي لأن كل الدول بتعمل شراكات وبتوقع اتفاقيات لكن يفضل الحكم هو التنفيذ على الأرض.
من مارس لغاية يونيو 90 يوم بس عدت وحصلت مفاجأة كبيرة جدا محدش كان متخيل أنها تحصل بالسرعة والشكل ده قادة أوروبا ورجال أعمالها ورؤساء شركاتها وخبرائها في الاقتصاد والتجارة يجو مصر من تاني ويعملوا مؤتمر اوروبي للاستثمار في مصر ومش كده وبس وتوقع اتفاقيات ومذكرات تفاهم مجموعها يعدي ال70 مليار دولار لإقامة مشروعات حيوية واستراتيجية وفي مختلف المجالات الحساسة والدقيقة والتكنولوجية بداية من الطاقة النظيفة الي الالكترونيات والأدوية والسيارات وغيرها وغيرها من الصناعات والعالم كله ينقل اخبار الصفقات الضخمة اللي حصلت امبارح وهيتم الإعلان عن الباقي منها النهاردة.
طيب ازاي ده حصل وفي المدة القصيرة دي؟
القصة بدأت بعد 17 مارس اللي فات لما تم توقيع الاتفاقية للشراكة الاستراتيجية وبدأت مفاوضات يومية و مباحثات بين مصر والمفوضية الأوروبية وبين رجال أعمال ومسؤولين ومستثمرين في أوربا كلها وعرضت مصر فرص الاستثمار الكبيرة عندها وإمكانيات البنية الأساسية الحديثة والموانئ والطرق والمحاور والفرص في المدن الصناعية ومنطقة اقتصادية قناة السويس الواعدة واللي العالم كله بيتنافس عشان يعمل فيها مشروعات بسبب موقعها الجغرافي المتميز.. كل ده بجانب موقع مصر القريب من القارة الأوروبية وكونها اقوي دولة في جنوب البحر المتوسط وفي الشرق الأوسط وقرب الاسواق كل ده شجع أوروبا على تنفيذ خطة الشراكة الاستراتيجية ودعم مصر اقتصاديا بشكل حقيقي المرة دي من غير شروط او حجب تكنولوجيا أو منع صناعة معينة زي ما كان يحصل زمان ولاول مرة أوروبا تكون مستعدة أنها تساعد بلد عربي بالشكل ده إنه يكون بلد قوي صناعيا وزراعيا وتجاريا .
طيب أوروبا هتستفاد ايه من دفع المليارات دي كلها ؟
زي ما قلنا موقع مصر وقوتها في حوض المتوسط وقدرتها على التأثير كان السبب الرئيسي أن أوروبا تعمل اتفاقيات ضخمة وتجهزها مع القاهرة في سرية تامة وخلال 3 شهور بس وبعدها تعلنها رئيس المفوضية الأوروبية امبارح في مؤتمر عالمي وقدام كل وسائل الإعلام الدولية وفي السياسة و العلاقات الدوليه والأمن الإقليمي الاقتصاد والتعاون جزء أساسي من إدارة الأمن القومي للدول وأوروبا عارفة إن مصر صمام امان قوي للأمن القومي الأوروبي كله في منطقة عايشة على بركان نار وصراعات وحروب ممكن في أي لحظة توصل أوروبا بشكل مباشر لكن مصر قادرة تسيطر على الصراع بتبني الحلول والواسطات والمفاوضات للوصول لحلول سلمية تمنع تفاقم الأوضاع ودي شيء أوروبا تعرف قيمته كويس ومن هنا جت فكرة الشراكة الاستراتيجية وبعدها هلت المليارات من أوروبا للاستثمار في السوق المصري.
