الأربعاء 24 يوليو 2024
رئيس التحرير
عمرو عامر
المشرف العام
عبدالعظيم حشيش
بنك اونلاين

في دقيقة ونص.. إزاي تفتح حساب في بنك مصر اونلاين 2024

السبت 29/يونيو/2024 - 03:00 ص
بنك مصر
بنك مصر

 


لو عاوز تفتح حساب في البنك من غير ماتروح الفرع وتقف في الطابور وتملى أوراق كتير وبيانات.. دلوقتي طريقة فتح الحساب اتغيرت وبقت أون لاين يعني ببساطة كده تقدر تفتح حساب بالموبايل اللي في ايدك.. تعالى نقولك إزاي ده يحصل.. خليك معانا لاخر التقرير التالي.

بنك مصر على سبيل المثال بيقدم خدمة مميزة لفتح الحسابات أون لاين وده من خلال تطبيق البنك، لتوفير الوقت والجهد على عملائه زي ماقلنا..

طيب ايه هي خطوات فتح حساب بنك مصر أون لاين؟
متقلقش الخطوات بسيطة ومش هتاخد اكتر من دقيقة ونص ويبقي عندك حساب أولها  تحمل تطبيق بنك مصر من متجر التطبيقات على هاتفك الذكي.

وتختار ايقونة إنشاء حساب وبتدخل بياناتك الشخصية زي الاسم والرقم القومي والعنوان وغيرها.. وبعدها بتختار نوع الحساب اللي بيناسب احتياجاتك من بين مجموعة متنوعة من الحسابات التي يقدمها بنك مصر.
الخطوة للي بعددها انك تختار الفرع وموعد الزيارة وتحدد الفرع اللي بترغب في زيارته لإتمام إجراءات تفعيل الحساب، واختر الموعد المناسب لك.

وبعدها هتروح الفرع اللي اخترته في المعاد المحدد مع بطاقة الرقم القومي الخاصة بك وهناك هتوقع على الاوراق النهاية وهتحصل على رقم حسابك الجديد

طيب ايه هي شروط فتح حساب بنك مصر اونلاين 2024..
زي ما قلنا الموضوع سهل خالص وبقي بيتم في دقايق بسبب التطور التكنلوجي الكبير في البنوك وبخصوص شروط فتح الحساب اون لاين فهي

أن تكون مصري الجنسية وعمرك مايقلش عن 16 سنة ومايكونش عندك حساب في بنك مصر وانك تكون مقيم في داخل مصر  ومعاك بطاقة رقم قومي سارية المفعول وعلى فكرة الخدمة غير متاحة لطلب فتح حساب بموجب توكيل أو على سبيل الهبة.

طيب ايه هي مزايا حساب بنك مصر اونلاين.. كفاية نقولك إن فتح الحساب مجاي ومن غير أي مصاريف أو رسوم وكمان البنك بيتيح لك الاشتراك في خدمات مجانية زي محفظة بنك مصر الإلكترونية BM Wallet والخدمة الصوتية مجانًا وهتاخد كمان  بطاقة خصم مجانية بدون مصاريف.

كمان فتح الحساب في بنك مصر أون لاين بيمكنك من الاستفادة من خدمات الإنترنت البنكي مجانًا للدفع الفواتير وتحويل الفلوس وشراء الشهادات وغيرها من الخدمات. وكمان بيقدملك خدمة حجز موعد لزيارة الفرع المناسب ليك وبدون داعي للانتظار في الفرع وتعطيل نفسك ومصالحك.