السبت 20 يوليو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

التقارير وصلت الرئاسة.. السيسي: لازم الموضوع ده ينتهي في أسرع وقت

الثلاثاء 25/يونيو/2024 - 04:52 م
الرئيس عبدالفتاح
الرئيس عبدالفتاح السيسي

 

 

أكتر مشكلة وأزمة شاغلة الناس فى مصر حاليا هي أزمة انقطاع التيار الكهربائي بعد ما وصلت مدة تخفيف الأحمال الى 5 ساعات فى بعض المناطق .. وكل الناس بمختلف الفئات والطبقات الاجتماعية موضوع الكهربا بالنسبة لهم بقا كابوس مرعب مستنين بفارغ الصبر يعرفوا امتى ممكن ينتهي وترجع الحياة لطبيعتها تاني.. وطبعا أجهزة الدولة بتتابع اللى بيحصل وبتعد تقارير دورية عن الأزمة وبترفعها لرئاسة الجمهورية .. وفى الساعات الأخيرة حصل تطور مهم وتحرك جديد ممكن يعمل انفراجة كبيرة فى أزمة الكهربا.. فيا ترى ايه اللى حصل ؟ وايه اللى قالوا الرئيس السيسي للحكومة ؟ وازاى ممكن يتم وقف او على اقل تقدير تقليل وقت تخفيف الأحمال؟

 

خلاص مبقاش سر .. كل الناس فى مصر بتعانى فى اخر كام شهر من انقطاع الكهربا..  وكل يوم بنسمع عن الخساير الكبيرة اللى بيتحملها الناس سواء كانت خساير مادية أو حتى خساير بشرية .. وناس كتير مصالحها بقت معطلة وحتى الانتاج بدأ يتراجع فى قطاعات كبيرة مع زيادة مدة انقطاع الكهربا.. وأكيد كلنا كلنا سمعنا عن الناس اللى النور بيقطع عليها وهى فى الاسانسير وبتتحبس بالساعات وكمان عيادات الدكاترة اللى بتعانى هي كمان وبتعرض حياة المرضى خصوصا كبار السن

وعشان كده الموضوع ما بقاش ينفع يتسكت عليه والرئيس السيسي بنفسه اتحرك فى الملف ده وعمل أكتر من اجتماع فى الساعات الأخيرة للوصول اغلى حلول جذؤية لواحدة من أصعب الأزمات اللى بتعانى منها مصر فى الفترة الأحيرة واللى سببها الأساسي نقص كميات الغاز المسال اللازم لتشغيل محطات انتاج الكهربا لأسباب كتير على راسها طبعا أزمة شح العملات الأجنبية

الرئيس أعطى تعليمات مشددة لرئيس الحكومة بحل أزمة انقطاع التيار الكهربائي فى أسرع وقت ممكن وقال ان حتى لو الأزمة مش هتنتهى تماما فعل الأقل تقليل زمن تخفيف الأحمال والملعوامت اللى عندنا بتقول ان الحكومة بتدرس تقليل تخفيف الأحمال عشان يكون ساعة واحدة بس كمرحلة أولى وبعد كده ممكن نوصل الى الغاء خطط تخفيف الأحمال تماما وممكن ده يحصل بحد أقصى فى بدايات 2025

المشكلة الكبيرة اللى بتواجه الحكومة ان فيه طلب كبير جدا على الكهربا فى فصل الصيف مع ارتفاع درجات الحرارة ولجؤ الناس الى التكييفات والمراوح للهروب من حر الصيف .. وحاليا بيتم دراسة أفضل الحلول فى ملف الكهربا لتقليل الخساير لكن الوضع الحالى مش هيستمر كتير خصوصا ان التقارير اللى وصلت الرئاسة اكدت ان فيه حالة غضب عامة من الحكومة بسبب انقطاع الكهربا لفترات طويلة