السبت 20 يوليو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

مع عودة العمل بالبنوك.. شوف أعلى فايدة في شهادات الادخار

الأحد 23/يونيو/2024 - 02:41 ص
البنك المركزي المصري
البنك المركزي المصري



العيد خلص وبكرة البنوك راجعة تشتغل وفيه ناس كتير بتدور على اسعار أعلى فايدة في شهادات الادخار واللي بقت ملااذ آمن للاستثمار بسبب عامل الامان وهامش الفايدة المرتفع واللي بيوصل أحيانا الى 30 في المية مرة واحدة.. تعالوا نشوف أهم الشهااادت الادخار بالبنوك وفوايدها في الفيديو ده.

 



زي ما قلنا شهادات الادخار من أهم وسائل الاستثمار في مصر الفترة الأخيرة بعد طرح البنوك لشهادات بعايد قياسي وده بهدف سحب السبولة اللي في السوق من ناحية والسيطرة على التضخم ومن ناحية تانية الناس تستثمر فلوسها الزيادة بدل ما تروح تشتري بيها حاجات ملهاش لازمة وتضيع في الاستهلاك وخلال الفترة اللي فاتت أعلن عدد كبير من البنوك المصرية عن توفير شهادات ادخار واستثمار متنوعة تتمتع بعائدات مجزية، سنوية وشهرية.
طيب إيه هي اعلى فابده في البنوك حاليا؟
أول حاجة شهادة ادخار البنك الأهلي المصري لمدة 3 سنين بعائد بيوصل 30% في السنة الأولى، و25% في السنة التانية، و20% في السنة التالتة، ويتراجع العائد إلى 19% وفقًا لدورية الصرف المتنوعة، ويبلغ الحد الأدنى للشراء هو 1000 جنيه.
تاني شهادة معانا هي شهادة إدخار بنك قطر الوطني (QNB) واللي بيُقدم فرصة استثمارية متنوعة لمدة 3 سنين وبعوايد بتتراوح بين 20% و20.15% مع حد أدنى للشراء يبلغ 1000 جنيه.
أما الشهادة التالتة اللي معانا من حيث ارتفاع سعر الفايدة فهي من بنك البركة الإدخارية واللي طرح شهادة إدخارية لمدة 3 سنين بعايد يصل إلى 22%، مع إمكانية الاستفادة من دفعات شهرية وحد أدنى للشراء يبلغ 1000 جنيه.

كمان البنك التجاري الدولي (CIB)طرح فرصة الاستثمار في شهادة إدخار لمدة 3 سنين بعائد 22٪، ويتم صرف العائدات شهريًا، والحد الأدنى للشراء هو 1000 جنيه.

الشهادة الأخيرة معانا هي اللي طرحها بنك مصر لمدة 3 سنين بردو، وبعائد قياسي يصل إلى 30% في السنة الأولى، و25% في السنة التانية، و20% في السنة التالتة، مع انخفاض إلى 19% بحسب دورية الصرف المتنوعة، ويبلغ الحد الأدنى للشراء هو 1000 جنيه.
طيب ايه ميزة الاستثمار في شهادات الادخار؟
اللي بيميز شهادات الادخار عن الدهب والعقارارات مثلا هو إن عامل المغامرة والمخاطرة صفر لأن الشهادات بتكون بضمان البنك المركزي والفلوس في امان وبتصرف عائد معلوم ومن ميزاتها انك ممكن تاخد قرض بضمانها وكمان فتح حساب ووثيقة تأمين.