السبت 22 يونيو 2024
رئيس التحرير
عمرو عامر
المشرف العام
عبدالعظيم حشيش
أخبار

بالملايين... اعرف شروط الحصول علي قرض المشروعات من بنك مصر

السبت 01/يونيو/2024 - 03:00 ص
بنك مصر
بنك مصر

 
قروض المشروعات واحدة من اهم الخدمات اللي بتقدمها الحكومة للناس الحرفيين والناس اللي عندها حلم تكوين مشروع وفتح باب رزق علشان يكون سند لهم في يوم من الايام.. يا تري اية هيا تفاصيل القرض ده.. وهل له شروط معينة علشان العملاء يقدروا يحصلوا عليه
 


طبعا ربنا خلقنا طبقات في فينا اللي متعلم وفيه اللي تعليمه علي قده وفينا اللي مش متعلم خالص، وفيه اللي فينا عنده حلم نفسه يحققه، والحلم ده عبارة عن فكرة مشروع سهر وحلم بيها أيام وليالي طويلة ونفسي يجي اليوم اللي يتحقق فيه.
وعلشان نكون عارفين ان البنوك بتعرض خدمات كبيرة للعملاء اللي نفسهم يحققوا حلمهم واحد من الخدمات دي هيا قروض المشروعات واللي بتقدهها اغلب البنوك، وعلي راسهم بنك مصر واللي أعلن عن تقديم قروض للمشروعات بتوصل لـ3 مليون جنيه علي أطول فترة سداد بتوصل لـ 15 سنة، وأقل مصاريف إدارية، وكمان هتاخذ وثيقة تأمين مجانية على الحياة والعجز الكلى، وإمكانية سداد مديونيات أخرى، وكمان إعفاء من مصاريف فتح الحساب.
اما عن المستندات اللي حددها البنك لحصول العملاء علي قرض المشروعات من بنك مصر فيها صورة بطاقة الرقم القومي بشرط تكون سارية، وإيصال مرافق حديث وشهادة حديثة بمفردات الراتب، وخطاب معتمد من جهة العمل.
مش كده بس، لا ده بنك مصر أعلن عن تقديم قروض شخصية للعملاء بدون ضامن وبتوصل قيمة القرض لمليون جنيه لمختلف العملاء بما في ذلك أصحاب المهن الحرة والمعاشات وبتوصل مدة السداد لـ10 سنين بفائدة متناقصة سنويًا قيمتها 15.25%.
طيب اية هيا الشروط اللي حددها البنك لتقديم قروض المشروعات للعملاء اللي مش عندهم ضامن؟.
بنك مصر حدد شوية شروط للعملاء اللي مش معاهم ضامن علشان يقدروا يحصلوا علي قروض وهيا أن المرتب الشهري ميقلش عن 1000 جنيه في حالة السداد بتحويل الراتب للبنك وميقلش عن 2000 في حالة عدم تحويل، وان عمر العميل المقترض ميقلش عن 21 سنة وميزدتش عن 60 للموظفين، وميزدش عمر المقترض عن 65 في حالة أصحاب الأعمال الحرة، وبالنسبة للموظفين، يكون الحد الأدنى لمدة عمل الموظف في وظيفته 3 شهور.