السيارات وشهر يونيو الحاسم.. السوق في انتظار مفاجآت

بتفكر تشتري عربية لكن مش عارف السوق رايح على فين إجنا هنقولك اللي السوق رايح على فين وامتي تشتري وأمتي تصبر.. خليكم  معانا لأخر هذا التقرير.

ناس كتير بتسأل عن أسعار السيارات وهل هتنزل تاني ولا لسه مش دلوقتي لكن محدش بيديهم اجابة قاطعة وممكن لو سألت خبيرين في سوق السياارات عن الأسعار رايحة على فين كل واحد هيجاوبك بإجابة مختلفة وعشان كده هنقولك ازاي تتوقع حركة أي سوق بما فيها سوق السيارات.
عشان تفهم اسعار السيارات هتزيد ولا تنزل يبقي لازم تعرف ايه هي الحاجات اللي بتأثر في السعر وهي مثلا سعر الدولار دلوقتي لأن قطاع السيارات بيعتمد بشكل شبه كامل على الاستيراد وبالتالي أساس تسعير السبارات هو الدولار وتاني حاجة حجم المعروض من السيارات في السوق مقابل الطلب بمعني لو معروض مثلا 100 عربية ومطلوب للشراء 150 عربية يبقي كده فيه عجز 50 عربية والأسعار هتزيد وتالت حاجة بتأثر في سوق السيارات لكن بشكل غير مباشر زي ارتفاع اسعار قطع الغيار وزيادة اسعار الوقود.
طيب كده عرفنا الحاجات الثابتة اللي بتأثر في سعر السيارات .. ايه بقي اللي هيحصل في السوق الفترة الجاية.. شوف يافندم لو رجعنا للعوامل الللي اتكلمنا عليها هنعرف إن السوق رايح في حتة كويسة وإنه هيكون فيه انخفاض أكتر في أسعار السيارات لأن اسعار الدولار في النازل والاستقرار بصرف النظر عن الزيادة المفاجئة في سعره منتصف يوم الخميس لكن احنا بنتلكم في العموم واللي كل التوقعات بتقول إن الدولار هيزل لمستويات 40 و41 جنيه في الشهور الجاية وده ليه اسبابه بردو وطول ما الدولار متوفر يبقي سوق السيارات رايح على الاستقرار وبعدها الانخفاض مع الوفرة في المعروض.
طيب ايه اللي هيحصل في شهر يونيو اللي جاي.. شوف زي ما قلنا قبل كده إن زيادة المعروض بتفرق جدا في سعر السيارات فمتوقع دخول شحنات ضخمة من السيارات في الشهر ده وفق توقيتات الشحن والتعاقد وبمجرد زيادة المعروض هتنزل الاسعار في الزيرو وهتنهار بشكل مباشر في سوق المستعمل كمان وده سوق كبير جدا وناس كتير بتتعامل معاه.
الخلاصة إن معظم خبراء سوق وتجارة السيارات شايفين إن الأسعار لسه هتنزل وإن السوق بيمتص الأثار السلبية اللي صابته في سنة الأزمة الكبيرة 2023 وشح الدولار وحالة الجفاف اللي عاني منها السوق وخلت تجار كتير تقفل وتغير نشاطها مع توقف الاستيراد كليا تقريبا ولان الازمة كانت كبيرة في قطاع السيارات فأكيد هتاخد وقت عشان الأمور ترجع لمجاريها والسوق يسترد عافيته.
عشان كل اللي قلناه خبراء تجارة السيارات بينصحوا أي حد عاوز يشتري عربية يصبر شوية لان الأسعار لسه هتنزل أكتر حسب الشرح اللي قلناه.