الحر الشديد والثانوية العامة السبب.. الحكومة بتعمل إيه علشان تحل أزمة تخفيف الأحمال
مشكلة تخفيف احمال الكهربا واحدة من أهم وأكبر المشاكل اللي بتواحه الحكومة في الوقت الحالي خصوصاً مع ارتفاع درجات الحرارة الغير مسبقة واللي بتضرب اغلب محافظات الجمهورية واللي لسه مكملة معانا لحد الاسبوع اللي جاي.. يا تري أية اللي تعمله الحكومة علشان تحل الأزمة دي قبل دخول فصل الصيف واللي الأزمة هتكمل معانا لحد فضل الصيف علي الشكل ده .
الاسبوع اللي فات ده، مصر شهدت اكبر ارتفاع في درجات الحرارة خصوصا اننا لسه في فصل الربيع ولسخد لحد اللحظة دي فصل الصيف مدخلش، وللأسف الارتفاع في درجات الحرارة ده تزامن مع تطبيق خطة تخفيف الاحمال علي الشبكة القومية للكهرباء واللي علي أساسها الكهرباء بتقطع بمعدل ساعتين لكل منطقة من الفترة من 3 الي 7 بناء على القرار الجديد لوزارة الكهرباء والطاقة المتجددة بعد تعديله بناء علي طلب وزارة التربية والتعليم بسبب امتحانات اخر العام.
ارتفاع درجات الحرارة واللي معاها ارتفعت الاحمال علي الشبكة القومية للكهرباء بسبب تشغيل المراوح والتكييفات في البيوت والشقق السكنية للتخفيف من درجة الحرارة، ادي جرس انذار للحكومة بصرورةالبحث عن حلول عاجلة لحل أزمة تخفيف الأحمال قبل دخول فصل الصيف واللي فيه بنوصل لدرجة حرارة عالية وبنسجل اعلي أحمال الشبكة القومية للكهرباء.
ومن هنا حصل احتناع عاجل بين مسئولي وزارة الكهرباء والطاقة المتجددة ممثلة في الشركة القابضة لكهرباء مصر ووزارة البترول والثروة المعدنية لدراسة توفير الإمدادات اللازمة لتشغيل محطات توليد الكهرباء من المازوت والغاز الطبيعي علشان المحطات تقدر تولد الكميات المطلوبة من الكهرباء للشبكة القومية للكهرباء وبالتالى ميكونش عندنا أزمة التشغيل في فصول الصيف .
طيب اية اللي هلي وزارة الكهرباء والطاقة المتجددة تتحرك في الوقت الحالي هل درجات الحرارة هيا السبب ولا في أسباب تانية .
الحقيقة مش ارتفاع درجات في الأيام اللي فات مش هو السبب الحقيقي اللي هلي قيادات وزارة الكهرباء والطاقة المتجددة تعمل اجتماع عاجل مع قيادات وزارة البترول والثروة المعدنية، لكن السبب الحقيقي هو اشكاوى الكثيرة واللي وصلت للجهات المسئولة في الدولة عن انقطاع الكهرباء واللي ناتج في المقام الأول عن تخفيف الاحمال ومن هنا الوزارة بدأت تفكر ازاي هتامن احتياجات الوقود اللازمة لتشغيل محطات توليد الكهرباء علشان يكفي علي مدار 3 شهور جاي وهيا شهرو الصيف لشهور يونيو يوليو اغسطس، ده غير انتا داخلين على امتحانات الثانويه العامه واللي معاها الإستهلاك في الكهرباء بيكون اعلي بسبب اعتماد الطلاب علي الأجهزة الإلكترونية والانترنت في المذاكرة والاستعداد للامتحانات.
في سبب كمان مهم في أزمة تخفيف الأحمال واللي حصل بسبب اجتماع عال بين قيادات وزارة الكهرباء والطاقة المتجددة ووزارة البترول والثروة المعدنية وهو ارتفاع الخسائر المالية اللي بتتعرض لها شركات توزيع الكهرباء الـ 9 على مستوى الجمهورية بسبب الأضرار اللي بتحصل للشبكة القومية للكهرباء بسبب قطع وعودة الكهرباء واللي للأسف بتكلف الدولة مبالغ كبيرة علشان تعيد إصلاحها مرة ثانية ده غير أن في مهمات ولازم من المحطات بتتسرق وقت قطع الكهرباء.
مصادر بوزارة الكهرباء والطاقة المتجددة قالت إنه الاجتماع أنتهي علي الإتفاق حدوث انفراجه في مشكلة تخفيف الاحمال في الأيام اللي جاية وتوفير الإمدادات اللازمة لمحطات توليد الكهرباء بالشكل الكامل خصوصا بعد وزارة البترول تعاقدت على شحنتين من الغاز هيوصلوا لمصر بداية من الشهر جاي ده غير قرار الحكومة بوقف تصدير الغاز للخارج، خصوصا أن الحكومة عندها هدف رئيسي وهو انتهاء العمل بجداول تخفيف الأحمال ورفع العبي عن المواطنين قيل دخول فصل الصيف وارتفاع درجات الحرارة، وأنه من المحتمل تقليل ساعات انقطاع الكهرباء لساعة واحدة بس بدلا من ساعتين في البداية ده غير الإجراءات اللي أخذتها الحزمة لترشيد استهلاك الكهرباء وبالتالي زيادة إنتاج الكهرباء وتغطية الاحتياجات اليومية من التيار .
