السبت 22 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

وشهد شاهد من أهلها.. الدولار الأمريكي يستعد للانهيار الكبير

الأربعاء 08/مايو/2024 - 07:00 ص
الدولار
الدولار

 
 
ايه اللي قاله ملياردير امريكي شهير واهم رجل أعمال في امريكا عن الدولار وازاي أقوى عملة في العالم بتستعد للسقوط وايه البديل الدولي عن الوحش الأخضر المريض وايه موقف الجنيه وقتها .. تعالوا نشوف إيه الحكاية 
 
في الساعات الأخيرة مفيش حديث في امريكا والعالم غير اللي قاله الملياردير الشهير إيلون ماسك عن الدولار  واللي سبب جدل كبير جداً وده بعد ما تنبأ ماسك بأن الدولار لن يساوي شيئًا وتحذيره من ارتفاع نسبة الديون الأمريكية وقال إن المركزي الأمريكي أو الفدرالي لازم يوقف طباعة الأموال في السر وإن دي الكارثة اللي هتوقع الدولار والمصيبة اللي هتضرب الدولار.. ياترى ايه الكلام الكبير اللي بيقوله ماسك ده وهل هو صحيح الدولار ممكن يوقع..
شوف حضرتك كلام أو تصريح إيلون ماسك الصادم كان رد فعل على منشور لأحد المشاهير على منصة X  أو تويتر سابقا وزي ما احنا عارفين انها ملك ايلون ماسك نفسه واللي اقتبس كلمة لمستشار الأمن القومي السابق للرئيس الأمريكي، هربرت مكماستر كان بيدعو إلى الإنفاق العسكري ويجب مضاعفة هذا المبلغ إلى 4% من الناتج المحلي الإجمالي تحسباً لاندلاع حرب عالمية أخرى.

ورد وقال ماسك نصا "نحن بحاجة إلى القيام بشيء حيال ديوننا الوطنية وإلا فإن الدولار لن يساوي شيئًا"وحذر الملياردير الشهير من أن الدولار الأمريكي لن يساوي شيئًا قريبًا لأن طباعة النقود الخفية تدفع أسعار البيتكوين والإيثيريوم والعملات المشفرة الأخرى إلى الارتفاع. . طيب ايه حكاية الديون الأمريكية... شوف حضرتك  ديون الولايات المتحدة وصلت  34 تريليون دولار ...ايوا  زي ما حضرتك سمعت كده وده بسبب وباء كوفيد- 19 وعمليات الإغلاق والإنفاق التحفيزي الضخم، ومش كده وبس ده كمان بيضاف حوالي تريليون دولار جديدة على الديون كل 100 يوم، حسب تأكيد خبراء بنك أوف أمريكا واللي توقعوا أن تشهد عملة البيتكوين سنة قوية جدا على حساب الدولار بسبب اللي بيحصل وتضخم الديون وتخطيها مرحلة الخطر.
ومعظم الديون الأمريكية بتعود إلى الاحتياطي الفيدرالي والحسابات الحكومية اللي بتستحوذ على 40% من الدين الأميركي، وبيمتلك الأجانب حوالي 24% من ديون امريكا وحوالي 9% منها بتعود إلى صناديق الاستثمار.
وعلى فكرة ايلون ماسك مش لوحده واللي حذر من انهيار الدولار الأمريكي لأن قبلها بشهر  أصدر ملياردير البيتكوين الأسطوري تيم دريبر توقعات كارثية للدولار الأمريكي  وحذر فيها من إن الدولار سوف ينهار بحلول عام 2030.. يعني كمان حدد تاريخ لسقوط الوحش الأخضر وقبلها توقع محللي البنوك الامريكية أن يضطر الاحتياطي الفيدرالي الأمريكي إلى إعادة تشغيل ماكينة طباعة الدولار في السنة الحالية 2024 بسبب الانكماش الاقتصادي الحاد واللي توقعوا إنه يتسبب في النهاية بانهيار الدولار الأمريكي وتحقيق طفرة في أسعار البيتكوين لمنافسة الدهب.
طيب ايه تأثير سقوط الدولار على مصر والعالم.. طبعا الدولار مش هيوقع كده فجأة لكن هتكون ليه مقدمات واكيد طبعا هيسبب كوارث اقتصادية عالمية لانه هو عملة التداول الرئيسية في العالم وهو كمان عملة الاحتياطي النقدي الرئيسية للبنوك المركزية واكيد الدول دي ومن بينها مصر هتاخد خطوات سريعة وعملية للتخلي عن الدولار واكيد هيكون فيه عملات بديلة وطبعا الوضع دع ساعتها هيسمح بظهور دور أكبر لعملات دول العالم واللي الدولار كان بيسيطر عليها بشكل كبير جدا.