السبت 25 مايو 2024
رئيس التحرير
عمرو عامر
المشرف العام
عبدالعظيم حشيش
بنك اونلاين

حكاية أول بنك رقمي في مصر.. شوف الخدمات اللي هيقدمها للمواطنين

الأحد 05/مايو/2024 - 04:40 ص
بنك رقمي
بنك رقمي

 

 
الحلول الرقمية واحدة من اهم المميزات اللي بتقدمها البنوك حاليا للعملاء، خصوصا ان من خلالها يقدر العملاء يحلوا كل مشاكلهم والحاجات اللي عايزينها بدون ما ينزلوا من البيوت أو يضربوا مشوار للبنك، ومن هنا جت فكرة البنوك الرقمية .. ياتري اية حكاية البنوك الرقمية دي واية هيا الخدمات اللي بتقدمها للعملاء

من سنين طويلة والدولة شغالة علي حاجة مهمة جدا وهي التحول الرقمي في كل الحاجات والحاجات اللي بتقدمها للمواطنين وعلشان كده بدأت الدولة تاسس بنية تحتية ضخمة من شبكات الاتصالات وخطوط نقل البيانات علشان تأمن بيانات الدولة الاساسية وبيانات المواطنين، وتنتهي العمل تماما بحقبة الورق وامضي الورقة دي من مدام فلانة..
توجه التحول الرقمي بقي قرار دوله، وحاليا مصر عندها بنية تحتية ضخمة من الشبكات وخطوط نقل البيانات ووفرت علينا مليارات الدولار كانت بتدفهم الدولة كل سنة علشان تحفظ بياناتهم عند ناس ودول تانيين برا، ومن هنا جه القرار الرئاسي بضروة وجود مركز بيانات وحوسبة سحابية لحفظ بيانات الدولة واللي انتهت الدولة من تاسيسه وافتتحه الرئيس عبدالفتاح السيسي في خلال كام يوم فاتوا.
التوجه الرقمي مقفش علي الخدمات بس، وانتقل للبنوك وحاليا ظهر حاجة عندنا اسمها البنك الرقمي، ومجلس إدارة البنك المركزي وافق بشكل مبدئي علي إطلاق أول بنك رقمي في مصر تحت مسمي وان بنك وده أول بنك رقمي في مصر بيحصل على الموافقة المبدئية من البنك المركزي ، وحاليا المسؤولين عن البنك في المرحلة الاولي من انتهاء إجراءات الترخيص للبنك .
طيب البنك الرقمي ده هيعمل اية وازاي الموطن يقدر يستفاد منه؟.
علشان نكون عارفين أن أول بنك رقمي في مصر وان بنك حاليا في المرحلة الاولي من إجراءات الترخيص واللي بتشمل الفحص الفني للبنية التحتية وأنظمة البنك والأمن الخاص بالأنظمة وكل الإجراءات دي علشان البنك المركزي بتأكد من قدرة البنك على تقديم الخدمات المصرفية للعملاء بشكل مستقر وآمن.
اهداف اول بنك رقمي في مصر هيا تعزيز الشمول المالي من خلال تيسير الحصول على الخدمات والمنتجات المصرفية عبر القنوات الرقمية للبنك، وتقديم مجموعة متنوعة من الحلول اللي هتؤدي لتطوير الخدمات البنكية في مصر وتقديم منتجات مخصصة متماشية مع نمط حياة العملاء من خلال استخدام التقنيات التكنولوجية المتطورة، وكمان البنك بيسعي لتعزيز تسريع وتيرة استفادة العملاء من الخدمات الرقمية بهدف نشر آليات الشمول المالي كواحدة من اهم أولويات المجلس الأعلي للمدفوعات والدفع الإلكتروني اللي وجهت بها القيادة السياسية .
طيب البنك ده هيكون موجود من امتي؟.
الكلام حاليا أن البنك الرقمي الجديد  هيبدأ يكون موجود قدام العملاء عقب الانتهاء من كل اجراءات التراخيص، وهيبدأ يباشر عمله في تقديم الخدمات للعملاء في الربع الأخير من عام 2024، وده هيكون بعد انتهاء المرحلة الثانية للفحص النافي للجهالة والحصول على رخصة التشغيل.

وعن طريق البنك الرقمي "وان بنك هتقدر المواطن ياخذ خدمات بنكية بأسلوب رقمي هلبي احتياجات كل العملاء وخصوصا الشباب اللي البنك بيستهدفهم في المرحلة الاولي بسبب كونهم أكثر قدرة على التعامل مع الوسائط الرقمية المختلفة .