الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

بعد نصيحة السيسي.. وظايف تخليك مليونير في شهر واحد

الأربعاء 01/مايو/2024 - 02:02 ص
الدولار
الدولار



هو صحيح فيه وظايف بالاف الدولارات في مصر متوفرة ومحدش واخد باله منها وليه الرئيس السيسي اتكلم على نوعية الوظايف دي وليه بيشجع الشباب إنه يفكر بشكل مختلف ويكتشف امكانياته وطبيعة أسواق العمل الجديدة.. شوف التقرير للأخر عشان نعرف التفاصيل كلها

لو فاكرين وهنا في نفس المكان اتكلمنا عن أساليب الاستثمار الجديدة والفكر الجديد واتكلمنا عن التخصصات النادرة في مجال البرمجيات والذكاء الاصطناعي وتكنولوجيا التطبيقات الأبليكسشنز وغيرها وقلنا إن دي وظايف بالاف الدولارات.. من ساعات الرئيس السيسي نفسه اتكلم عن المووضوع ده وقال خلال افتتاح مركز البيانات والحوسبة السحابية الحكومية على طريق العين السخنة ، إن مصر فيها 106 مليون مواطن، ومفترض يكون العنصر البشري اللي بيعمل في مجال الرقمنة عدد كبير جدا لكن للأسف ده بيحصلش عشان الصورة النمطية للتعليم الجامعي
وضرب الرئيس السيسي مثل لوجود دول تعداد سكانها لا يتعدى 10 مليون نسمة وبيشتغل فيها أكتر من نص مليون شخص في مجال التعهيد لوحده يعني كل فرد منهم بيصدر بحوالي 100 ألف دولار، بإجمالي 70 مليار دولار في السنة الواحدة، ولو حد مش عارف يعني إيه تعهيد هنقولك هو نوع من الاقتصاد الصاعد عالميا وهو عبارة عن شركات بتعمل شغل أو خدمة أو تصميم لشركات كبيرة تانية يعني شركة في مصر مثلا تصنع برامج لأيفون دي اسمها خدمات تعهيد.
وزير الاتصالات وتكنولوجيا المعلومات عندنا قال إن مصر بتستهدف خلال 2026 الوصول إلى 9 مليار دولار من مجالات التعهيد بس وهو رقم قابل للزيادة حال زيادة الكوادر المدربة، ولو حضرتك مش واخد بالك من الرقم فدا بيوازي دخل قناة السويس بحالها في سنة تقريبا.

طيب نرجع لموضوعنا لو أنا عاوز استثمر في نفسي وأشتغل في وظيفة من الوظايف اللي هتدخلي الاف الدولارات في الشهر أعمل ايه.. أول حاجة لازم تعرف إيه هي المجالات اللي بيقصدها الرئيس وقلنا عليها في بانكير قبل كده وهي ببساطة كل ماليه علاقة بالتكنولوجيا المعلومات الحديثة والذكاء الاصطناعي والتطبيقات والبرمجة تحديدا وده كله وظايف بتعتمد على الابتكار زي مثلا الناس اللي اخرتعت تطبيق أوبر أو طلبات وغيره وفي أي مجال يعني تطبيق أو برمجة مثلا تسهل على الناس تصريف أعمالهم اليومية أو تطيقات خاصة بالشركات والبنوك وكل فئات المجتمع زي تطبيق منصة أي صاغة مثلا واللي بيخدم سوق الدهب في مصر وهكذا .
وزي ما قلنا فيه مثلا خدمات التعهيد اللي شرحناها  ودي عالم واسع وكبير جدا وبيتسوعب مئات الاف من المتخصيين سنويا لأنها تخصصات حديثة وزي ماقال الوزير المستوى الأول من خدمات التعهيد الشاب يقدر  يصدر ب 30 ألف دولار في السنة، والمستوى التاني وهو البرمجة يقدر يصدر من 50 إلى 60 ألف دولار في السنة بردو، أما المستوى التالت وده خاص بتصميم البرمجيات أو البرامج المتخصصة، وممكن الشاب يصدر بـ 100 ألف دولار في السنة واضرب بالجنيه بقي وشوف هتيدخلك كام.

لأن الوظايف دي هي المستقبل وسوق العمل فيها بيزيد يوم عن اليوم الرئيس السيسي نصح الأسر المصرية إنها تختار تعليم مناسب وعصري لولادها بدل الكليات التقليدية وقال للجامعات تحاول تفرز المواهب اللي عندها عشان يتم تأهيلهم للعمل في السوق الجديد وده كنز ومصر تقدر تسيطر على حصة ضخمة فيه عالميا لأن عندها كوادر وعقول محتاجة بس تتوجه صح.