الأحد 26 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

ارتفاع مفاجيء في سعر الدولار.. وقرارات عاجلة من المركزي

الثلاثاء 16/أبريل/2024 - 12:45 ص
الدولار
الدولار

 

يا ترى ليه الدولار رجع يزيد تانى فى البنوك بعد انتهاء اجازة العيد؟ وايه علاقة الزيادة الجديدة بالقرارات العاجلة للبنك المركزي الخاصة بتعديل حدود السحب من البنوك وماكينات الصراف الآلي؟ وهل الفترة الجاية ممكن سعر صرف الدولار أمام الجنية يتراجع ولا هيرجع يزيد من جديد؟

 

النهاردة ولأول مرة من 14 مارس اللى فات انخفض سعر الجنيه المصري بنسبة تقارب 2% مقابل الدولار خلال التعاملات الأخيرة فى البنوك ووصل سعر الدولار إلى مستوى 48.5 جنيه في التعاملات الرسمية بالبنوك وشركات الصرافة وده  بالتزامن مع إعلان البنك المركزي عن زيادة الحد الأقصى اليومي لعمليات السحب النقدي من فروع البنوك ليصبح 250 ألف جنيه بدلا من 150 ألف جنية.

وأكد المركزي فى خطاب بعته للبنوك رفع الحد الأقصى للسحب اليومي من ماكينات الصراف الآلي إلى 30 ألف جنيه بدلا من 20 ألف.

وكان صافي الاحتياطيات الأجنبية لمصر ارتفع إلى 40.361 مليار دولار في مارس من 35.311 مليار دولار في فبراير وده بعد توقيع مصر أكبر صفقة استثمارية مع الإمارات بقيمة 35 مليار دولار لتطوير مدينة رأس الحكمة بجانب إتمام الاتفاق مع صندوق النقد لزيادة القرض من 5  إلى 8 مليار دولاروبموجب الاتفاق الجديد هيكون بامكان مصر  الحصول الفوري على 820 مليون دولار الأسبوع ده  و820 مليون دولار تانية بعد المراجعة اللي هتستكمل بحلول نهاية يونيو الجاي .

وفى مؤتمر صحفي مطلع مارس  قالت رئيسة بعثة الصندوق إيفانا فلادكوفا هولار إنه من المقرر إتمام مراجعات لاحقة كل 6 أشهور وهتسمح كل مراجعة بصرف 1.3 مليار دولار بشرط استيفاء شروط معينة على أن تكون الدفعة الأخيرة في خريف 2026.

طب ايه تأثير قرارات المركزي الخاصة بحدود السحب ؟

قرارات المركزي النهاردة معناها ان أزمة شح العملة انتهت وان اجراءات تقييد السيولة النقدية خلاص مبقتش موجودة وطبعا ده هينشط اللاسواق وهيخلى فيه سهولة فى سحب وتداول النقد ومفيش تعطيل لأى صفقات أو مصالح بتتم لأن فى الاول البنوك مكنتش بتمنح العميل اكتر من 150 الف جنيه فى اليوم دلوقتى بقت ربع مليون جنيه ومن خلال ماكينات ال ATM تقدر تسحب 30 الف جنيه فى اليوم

طب وبالنسبة لسعر صرف الجنيه قدام العملات الأجنبية التانية .. ايه اللى هيحصل فيها الايام الجاية؟

سعر صرف الجنيه امام الدولار وبقية العملات مرتبط بشكل أساسي بمدى توافر سيولة دولارية من عدمه ووفقا للمعلومات المتوافرة فلحد دلوقتى المفروض هتحصل انفراجة كبيرة فى السيولة الدولارية الشهر الجاي من اكتر من جهة سواء من باقي مستحقات صفقة راس الحكمة او صندوق النقد او باقى مؤسسات التمويل الدولية التانية ولو ده حصل فبنسبة كبيرة سعر الدولار هيتراجع بشكل ملحوظ فى الفترة الجاية