الجمعة 14 يونيو 2024
رئيس التحرير
عمرو عامر
المشرف العام
عبدالعظيم حشيش
شمول مالي

أخطر أنواع الاستثمار.. ابعد عنه هتخسر فلوسك

السبت 13/أبريل/2024 - 09:04 م
صورة ارشيفية
صورة ارشيفية



ياترى ايه هو أخطر استثماؤ خسارته مضمونة وهيضيع كل فلوسك .. تعالي نقولك ايه هو وإزاي تحوله لاستثمار مربح .

ممكن تضيع فلوس الإنسان هي عدم التخطيط والاستمثار الغلط في الوقت والفلوس بأنك تحطها في حاجات ملهاش لازمة ومايكونش عندك خطة وزمان جدودنا قالو خد من التل يختل يعني مهما كانت معاك فلوس وثروة لو فضلت تصرف فيها من غير ما تزودها هتخلص وكمان طول ما انت بتستثمر فلوسك في السلع الاستهلاكية والانفاق والتبذير ثق إنك هتخسر كل حاجة في حياتك وأولهم فلوسك وياما سمعنا عن ملونيرات معروفوش ينمو ثرواتهم وافتكروا الفلوس دايما وفي الأخر رجعوا مفلسين.
طيب تعمل ايه في الفلوس الزيادة اللي معاك.. أول حاجة تعملها صح إنه يكون عندك خطة لإدارة الأموال والدخل والمصروفات والترشيد في كل بند فيهم وبعدها تفكر تستثمر فلوسك إزاي يعني ممكن تحطها في قطاعات كتيرة في الاستثمارات زي الدهب والعقارات وشهادات الإدخار والمشروعات الخاصة واللي أكيد هتحافظ على فلوسك وفي نفس الوقت هتزودها بشكل كبير وبكده يكون عملت الصح.
طيب ايه الاستثمار اللي ممكن تحط فيه فلوسك وتفتكر إنك ممكن تكسب وفي نفس الوقت خسارة عليك.. عامة النوع ده من الاستثمار بتكون ناوي فعلا تشغل فلوسك عشان تكسب لكن في نفس الوقت بتشغلها غلط ..إزاي .. هنقولك إزاي.. يعني مثلا انك تعمل مشروع وانت معندكش أي خلفية عنه أو خبرة ومفيش حد معاك بيفهم في نشاط المشروع ودي غلطة كبيرة جدا لإن الخبرة أو الاستعانة بناس عندها خبرة مهم جدا في بداية أي مشروع وانت لو مش فاهم في النشاط يبقي عمرك ما هتعرف تديره وبكده أكيد هتخسر.. كمان إنك تستثمر فلوسك في نشاط خطر في وقت من الأوقات من غير دراية كويسة فيه زي مثلا الاستثمار في الدهب وهو سعره في السما وتشتري بالغالي وفجأة سعره ينزل بسبب عدم درايتك بدورة السوق وزي مثلا إنك تحط فلوسك في عقار وقت أزمة ركود كبيرة في السوق أو تشتري أرض بالغالي وهي محظور تعمل عليها مشروع وده من ضمن الأخطاء اللي بيوقع فيها ناس كتير عشان مسألش ونضرب مثل زي أنك تروح تشتري أرض ب5 مليون جنيه مثلا عشان تبنيها برج ولما تروح تطلع رخصة البناء الحي يقولك أخرك 5 أدوار وده نظام التخطيط العمراني وبكده مش هتعرف تجمع تمن الأرض وهكذا .. القصد لازم تكون بتفهم كويس أو تشارك حد بيفهم في أي نشاط أو مشروع قبل ما تبدأ تحط فلوسك فيه.