الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

حكاية الرقم 187 اللي مصر كلها مستنياه.. لو ساكن مخالف ومش فاهم قانون التصالح على مخالفات البناء طالع هذا التقرير

الثلاثاء 09/أبريل/2024 - 01:20 ص
مخالفات البناء
مخالفات البناء


من ساعة ما ظهرت ملامح قانون التصالح على مخالفات البناء والناس يتسأل عن تفاصيل كتير عايشينها في قصة البناء المخالف ده وعاوزين يعرفوا وضعهم.. وإيه هي المخالفات اللي هيتم عليه التصالح... وهيدفع كام .. ومين هيقّدر القيمة.. وهل القانون فيه باب للشيطان والسلبيات بتاعة القانون القديم.. طيب إيه مصير الناس اللي قدمت طلبات تصالح قبل كده ودفعوا.. ولو أنا مخالف ومدفعتش إيه اللي هيحصل.. طيب ولو أنا ساكن في عقار مخالف ومش هينفع في حالته تصالح مصيري ومصير عيالي فين.. كل سؤال بيجر معاه 100 سؤال.. هنحاول في بانكير نجاوب على قد ما نقدر

في الحقيقة قانون التصالح على مخالفات البناء من أكتر القوانين اللي أثرت على الناس من أول قرار وقف المباني من أكتر من سنتين في القرى والمدن لغاية البرلمان ماياخد قرار مصر كلها كانت منتظرة صدور القانون وأخيرا ظهرت ملامح قانون التصالح في مخالفات البناء، بعد موافقة مجلس الوزراء على صدور اللائحة التنفيذية الخاصة بيه..
في الأول لازم نعرف إن القانون الجديد وهو برقم  187 لسنة 2023 اتعمل عشان يخفف الاجراءات ويسهلها بعد ظهور عيوبها عند التنفيذ يعني القانون المفروض أفضل من اللي قبله.
طيب نروح نشوف ملاح القانون.. أول حاجة انت بتقدمها هي بتروح تقدم طلب تصالح وبتدفع مبلغ جدية التصالح عشان تكمل في باقي الاجراءات ولو طلبك اترفض تسترد فلوسك كمان القانون نظم عملية تقديم طلب التصالح نفسها يعني القانون بيقولك تقدم طلب التصالح للجهة الإدارية المختصة خلال مدة لا تتجاوز 6 شهور من تاريخ العمل بالقانون، بس خلي بالك المدة دي مش نهائية ومن حق رئيس الحكومة يمدها بحد أقصى 3 سنين.. وده بعد سداد رسم فحص يُدفع نقدًا أو بأي وسيلة من وسائل الدفع غير النقدي المنصوص عليها بقانون تنظيم استخدام وسائل الدفع غير النقدي وبما لا يجاوز خمسة آلاف جنيه.. وبعدها، وسداد مقابل جدية التصالح وتقنين الأوضاع بنسبة 25% منه، واللايحة التنفيذية بتحدد فئات الرسم ونسب مقابل جدية التصالح وتقنين الأوضاع.

بعد ماتخلص تقديم ودفع من حقك تاخد شهادة فيها رقم المخالفة وتاريخ القيد والمستندات المرفقة وبيروح يكمل اجراءاته والشهادة دي بتروح بيها المحكمة لو فيه مشكلة قانونية على الوحدة أو العقار..
وخلي باللك طلب التصالح كأن لم يكن لو عدى عليه 6 شهورعلى استلام شهادة مقدم طلب التصالح الشهادة المشار إليها وعدم استكمال المستندات والإجراءات.
بخصوص الناس اللي قدمت في القانون القديم.. شوف حضرتك  حسب اللايحة الجديدة طلبات التصالح وتقنين الأوضاع والتظلمات التي قدمت قبل كده، ولم يتم البت فيها أو لم تَنْقَضِ مواعيد فحصها، بحسب الأحوال، هيتم إحالتها إلى لجان البت والتظلمات المشكلة طبقا لأحكام القانون المرافق على أن تُنظر وفق الأحكام والإجراءات الواردة.. بس مع مراعاة ما يأتي:

1- عدم سداد رسم فحص جديد أو مقابل جدية التصالح، في حال سداده من قبل.

2- أن يكون سعر المتر المسطح في حال قبول طلب التصالح وتقنين الأوضاع أو التظلم بذات الأسعارالتي تم إقرارها وفقا لأحكام القانون القديم وما طرأ عليها من تخفيضات.

3- وقف نظر الدعاوى المتعلقة بالمخالفة، ووقف تنفيذ الأحكام والإجراءات الصادرة في الأعمال المخالفة محل الطلبات إلى حين البت فيها أو البت في التظلم، بحسب الأحوال.
ولو انت قدمت في النظام القديم على التصالح في المخالفة وتقنين الاوضاع دلوقتي تقدر تتظلم تان خلال 30 يوم من تاريخ العمل بالقانون الجديد.
وبالتالي بالنسبة للناس اللي بتسأل عن مصيرها المخالفات اللي اترفضت القانون الجديد هو اللي هيحسم الموضوع بعد إعادة فحص التظلمات وفي حالة الرفض بردو هيكون فيه اجراءات تانية زي الإزالة أو الاسترادا لان حالات رفض التصالح بتكون محدودة سواء بناء على أرض دولة أو مباني خطرة أو في حيز خطر وهنا لازم يكون فيه إجراء للسلامة وحفظ حق الدولة.
ولو انت مخالف مدفعتش أو مش عاوز تتصالح.. بنحب نقولك إن القانون دا أخر فرصة عشان تقنن بيتك أو شقتك المخالفة لأن بعد كده هيكون فيه اجراءات بغرامات لأن في النهاية دي حق الدولة.
طيب الناس اللي قدمت على التصالح زمان ودفعت وخدت شهادة تصالح حد هيتعرضلها.. لأ طبعا محدش هيتعرضلها لأن الناس دي دفعت للدولة حسب قانون كان موجود.. طيب مين هيدفع قيمة التصالح.. النقطة دي حسمها القانون بردو لأنها أكتر نقطة كان عليها خلاف ودلوقتي هيدفع المالك او المؤجر وليس المستأجر..
وبخصوص قيمة رسوم التصالح فدي بتختلف حسب المكان والمساحة وبتكون حسب قيمة سعر المتر لكل منطقة والمستوى العمراني والحضاري وتوافر الخدمات، لكن على ألا يقل مقابل التصالح للمتر المسطح عن 50 جنيهاولا يزيد على 2500 جنيه وعلى فكرة فيه كمان استئناءات في قيمة الرسوم دي وبيطعلها مجلس الوزرا في حالات معينة.

طيب نيجي للسؤال الاهم واللي سبناه للأخر ايه هي الحالات اللي يجوز فيها التصالح.. شوف ياسيدي افتح معانا القانون الجديد وهتلاقي مكتوب:
1- تغيير الاستخدام في المناطق التي لا يوجد لها مخططات تفصيلية معتمدة.

2- التعديات الواقعة على خطوط التنظيم المعتمدة قبل اعتماد خط التنظيم، أو الواقعة على الشوارع التخطيطية غير المنفذة على الطبيعة.

 

3- التعدي على حقوق الارتفاق المقررة قانونًا بشرط الاتفاق بين طالب التصالح وأصحاب الحقوق.

4- المخالفات اللي تمت بالمباني والمنشآت ذات الطراز المعماري المتميز.

5- المخالفات اللي تمت بالعقارات الواقعة داخل حدود المناطق ذات القيمة المتميزة.


6- تجاوز قيود الارتفاع المقررة وفق قانون الطيران المدني أو تجاوز متطلبات شئون الدفاع عن الدولة.

 

7- البناء على الأراضي المملوكة للدولة متى وفق على طلب تقنين وضع اليد وفقًا للقوانين المنظمة.


8- تغيير استخدام العقارات بالمناطق التي صدرت لها مخططات تفصيلية معتمدة من الجهة الإدارية.
9- البناء خارج الأحوزة العمرانية المعتمدة في بعض الحالات