الثلاثاء 21 مايو 2024
رئيس التحرير
عمرو عامر
المشرف العام
عبدالعظيم حشيش
شمول مالي

لو معاك 30 الف جنيه.. هتاخذ مكسب 8100 جنيه كل سنة شوف الطريقة ازاي

السبت 06/أبريل/2024 - 02:02 ص
صورة ارشيفية
صورة ارشيفية

 

عمرك خربت تدخل شغل مع شريك بـ 30 الف جنيه ويطلع شريكك ده راجل تمام، ويجي كل اول سنة ويديك في ايديك 8100 جنيه مكسب ويقولك ده مكسب راس مالك معايا الشهر ده ، وكل ده وانت قاعد في بيتك ولا حتي بتروح تشتغل معاه ولا بتبص عليه.. لو عايز تعرف الشريك ده يبقي مين شوف الفيديو ده للاخر 

التحفيضات اللي حصلت في سعر الجنية قدام الجنية المصري خلت في تخوف كبير قوي في مجال الاستثمار واصبحت اي مشروع او فتح اي باب رزق مخاطر مش محسوب عوايدها، وممكن في يوم وليلة تحوية عمرك تروح عليك خصوصا للناس اللي علي قد حالها واللي قوتها يوم بيوم واللي يا دوب علي طول السنين قدرت تحوش مبلغ بسيط تشيله لزنقة الايام.

انا دلوقتي هقولك علي شريك هتروح تديله فلوسك يشغلهم لك ويجي كل اول سنة يديك 8100 جنيه في ايديك بدون ما تقوم كل يوم الصبح بدري تروح الشغل، ولا هتحتاج معاك ناس تاخذ رواتب علشان تساعدك ولا هتحتاج مكان تفتح فيه ولا هتدفع ايجار ولا غيره.

الشريك اللي بقولك عليه ده هما البنك الأهلي المصري وبنك مصر واللي طرحوا شهادة طلعت حرب بعائد 27% يصرف في نهاية المدة و23.5% سنويًا يصرف شهريًا.. طبعا انت دلوقتي بتقول ازاي انا بقي هحط 30 الف جنيه وكل سنة هاخذ 8100 جنيه.. انا هقولك ازاي.
انت لو معاك 30 الف جنيه ورحت اشتريت الشهادة طلعت حرب بعائد 27% سنويا، معني ان العايد بتاعهم هيكون 8100 جنيه، ولو عايز الفايدة شهريا هتاخذ 588 جنيه كل شهر لان الفايدة الشهرية للشهادة 23.5%.
طيب هل البنوك دي بتبيع شهادات باي رقم ولا بارقم كبيرة .
لا طبعا البنك الأهلي وبنك مصر حد ادني لشراء شهادة طلعت خرب بألف جنيه ومضاعفاته، ومن حق اي حد طبيعي بالغ وقصر مصري وأجنبي ان يشتريها، وكمان له حق الاقتراض بضمانها، ده كمان هتاخذ بطاقة ائتمانية، وليك الحق ان تستردها بعد ما يفوت 6 شهور من اليوم اللي انت اشتريتها فيها، والعائد بتاع الشهادة بيكون ثابت طوال المدة، والحساب بيبدأ من تاني يوم لك بعد ما اشتريت الشهادة، وطبعا لو انت من الناس اللي قاعد في البيت ومش عايز تخرج في الحر وعاتل هم مشوار البنك، فالبنك اتاحلك امكانية انك تشتريها من خلال الانترنت البنكي من علي تليفونك المحمول وانت قاعد علي السرير في البيت تحت التكييف او المروحة أو من التطبيقات المختلفة للبنكين، أو من ماكينات الصراف الآلي، أو تتفضل تنزل اقرب فرع لك من الفروع المنتشرة علي مستوي كل محافظات الجمهورية هتروح هناك وهتطلب منك الشهادة وتحط فلوسك في مكان امان وهتكون ضامن فلوسك والربح بتاعك.