الثلاثاء 16 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

القائمة الكاملة لتعريفة ركوب اتوبيسات النقل العام والذكي والتاكسي الابيض بالقاهرة والجيزة

الخميس 28/مارس/2024 - 03:00 ص
السيارات
السيارات

 

قرارات لجنة تسعير المواد البترولية هيكون لها انعاسات كتيرة علي كل الخدمات والسلع اللي المواطن بحتاجها في حياته اليومية، واول الخدمات دي هي وسائل المواصلات واللي سعرها زاد بنسبة أكثر من 15% عن تعريفة الركوب المحددة قبل كده، وتابعا كل وسائ النقل زادت بدرجات متفاوتة واخرهم النقل الذكي زي اوبر وكريم وغيرهم.. يا تري معدل الزيادة هيكون كام .. ومعدل الزيادة في تعريفية مواصلات النقل العام وصلت لكام.

في الساعات الاولي من صباح الجمعة الماضية، لجنة تسعير المواد البترولية فأجت الكل وقررت تحريك سعر الوقود والسولار وانبوبة البوتاجاز، وصل سعر لتر السولار لـ10 جنيه بدلا من 8.25 جنيه، وبنزين 80 من 10 الي 11 جنيها، وبنزين 95 من 12.50 الي 15.50 جنيه، وبنزين 92 من 11.50 الي 12.50 جنيه، ورفع سعر انبوبة البوتاجاز من 75 الي 100 جنيه، واول انعاكسات لجنة تسعير المواد البترولية كانت علي وسائل المواصلات واللي رفعت تعريفة الركوب بنسبة بتترواح من 15 الي 20%.
طيب الزيادة الجديدة في اسعار النقل العام وصلت لكام؟.
الدكتور خالد عبدالعال محافظ القاهرة، قال ان هيئة النقل العام اعتمدت الزيادة الجديدة في تعريفية ركوب اتوبيسات النقل العام وخطوط النقل الجماعى الجديدة، والي وصلت لجنيه واحد على التذاكر واصبحت قيمة التذاكر 7 جنيه بدلا 6 جنيه للأتوبيسات العادية بواقع 186 خط على مستوى العاصمة، ورفع تذكرة ركبو الأتوبيسات المكيفة من 12 إلى 13 جنيه علي 16 خط داخل محافظتي القاهرة والجيزة.

هيئة النقل العام اعلنت كمان عن قرارات الزيادة فيما يخص المينى باص وارتفعت اسعار التذاكر من 8 إلى 9 جنيه، والميني باص اللي بيتخطى أكثر من 30 كيلو وصلت سعر تذكرته لـ 10 جنيه بدلا من 9 جنيه، ووصل سعر تذكرة الأتوبيس المكيف لـ 13 جنيها بدلا من 12 جنية لأتوبيسات النقل الجماعى بالقاهرة والجيزة.
اما فيما يخص تعريفة ركوب سيارات الأجرة البيضاء التاكسي فمحافظة القاهرة حددت زيادة جنية زيها زي اتوبيسات النقل العام ووصلت لـ 8.5 جنيه لفتح العداد بدلا من 7.5 جنيه، وحددت 4 جنيه لكل كيلومتر بدلا من 3.5 جنيه.

محافظ القاهرة قال كمان أنه تم وضع تعريفة الركوب الجديدة علي كل وسائل النقل من عربيات ونقل عام علشان تراعي مصلحة المواطن والسائق، تم فيها مراعاة مسافة كل خط سير، وعدد الرحلات تحقيقًا للعدالة، وكمان حصل تنسيق مع المحافظات المجاورة اللي بترتبط مع القاهرة في خطوط السير لضمان توحيد التعريفة ومنع استغلال المواطنين، ده غير تعليق بنرات وملصقات اللي بتتضمن الأسعار الجديدة للتعريفة على مداخل جميع المواقف بصورة واضحة أمام المواطنين علشان كل مواطن يكون عارف التسعيرة الجديدة لركوب العربيات وصلت لكام.


طيب الزيارة الجديدة في النقل الذكي زي اوبر وكريم وان دريفر وصلت لكام؟.
وسائل النقل الذكي بعتت رسائل نصية للكباتن اكدت فيها الالتزام بالزيادة اللي حددتها الدولة واللي بتترواح من 10 الي 15% تماشيا مع القرارات الاخيرة للجنة تسعير المواد البترولية برفع اسعار البنزين والسولار.