هتوصل لـ3500 دولار.. مفاجأة لحاملي بطاقات المشتريات من خارج مصر

بعد قرارات لجنة السياسات النقدية بالبنك المركزي بتحرير سعر صرف الجنية المصري بشكل كامل قدام الدولار، وده ضمن خطوات الدولة للقضاء علي السوق السودا بشكل كامل، البنك المركزي اصدر قرارات للبنوك  بالعودة التدريجية في ملف تخفيف القيود عن البطاقات الائتمانية للمشتريات من خارج مصر.. يا تري مسموح للعملاء يشتروا لحد كام من بطاقات الائتمان خارج مصر.. واية هيا اعلي البنوك اللي رفع حد الشراء علي البطاقات.. لو عايز تعرف كل ده شوف الفيديو ده للأخر
 

البنك المركزي قبل ما يضرب ضربه الكبيرة للقضاء علي السوق السودا في التجارة بالعملات الاجنبية بتوفير الدولار قدام التجار والموردين والمستورين بشكل كامل وبسعره الرسمي وده بعد توقيع الحكومة صفقة الاستثمار السياحي في راس الحكمة واللي دخلت استثمارات نقدية مباشرة هتوصل لـ35 مليار دولار، ودي اللي ادت الي توفير الدولار بشكل كامل في البنوك ده غير الاعتماد الجديد من صندوق النقد الأجنبي لمصر.
طيب اية هيا اعلي البنوك اللي خفتت القيود عن البطاقات الائتمانية للمشتريات من خارج مصر؟.
في بنوك كتيرة من البنوك اللي شغالة في مصر رفعت  القيود عن البطاقات الائتمانية للمشتريات من خارج مصر اولها البنك الاهلي المصري واللي رفع حد الإنفاق الدولى في بطاقات "فيزا الذهبية ماستركارد تيتانيوم" علي المشتريات لما يعادل 37.5 ألف جنيه بدلًا من 15 ألف جنيه للمشتريات، أما فيما يخص بطاقات "ماستركارد وورلد- فيزا سيجنتشر وماستركارد وورلد إيليت وفيزا إنفينيتى" فإلبنك رفع حدود دفع المشتريات لـ 160 ألف جنيه بدلًا من 85 ألف جنيه.

ومن البنك الأهلي بنروح لبنك مصر واللي عدل حدود السحب على المشتريات خارج مصر علي بطاقة كلاسيك لـ 60 دولارًا، ورفع الحد الائتمانى للمشتريات علي بطاقة جولد بالخارج لـ 200 دولار.
اما عن الحد الأقصى للمشتريات بالخارج، فالبنك رفع حدود الشراء علي البطاقات الإئتمانية علي بطاقات تيتانيوم وورلد فإن لـ 500 دولار، وكمان رفع السحب النقدى بالخارج علشان يترواح من 60 دولارا الي 120 دولارا، وفقًا لنوع البطاقة الائتمانية.
ولسه مكلمين معاكم وبنروح للبنك التجاري الدولي، واللي رفع حدود الاستخدام على جميع البطاقات الائتمانية خارج مصر في بطاقات برايم للمشتريات لـ25 ألف جنيه، وفي بطاقات "بلس" لـ 50 ألف جنيه للمشتريات، وفي بطاقات ويلث"= وصلت لـ 105 الف جنيه للمشتريات، و175 ألف جنيه للمشتريات لبطاقات برايفت.

وبنرح معاكم لبنك أبوظبى الإسلامي واللي رفع حد استخدام بطاقات المشتريات المغطاة خارج مصر علشان يوصل لـ 3500 دولار، وده بالتزامن مع قرار البنك المركزي بالعودة إلى سياسة تحرير سعر صرف الجنيه ، وتحديد قيمته لآلية العرض والطلب مقابل الدولار.
واخيرا بنروح للبنك العربي الإفريقي واللي اعلن عن رفع حدود الاستخدام على جميع البطاقات الائتمانية داخل وخارج مصر وفقا لنوع كل بطاقة، ورفع الحد اليومي والشهري للسحب النقدي خارج مصر لعملاء علي بطاقة فيزا جولد لـ 10 آلاف جنيه، وللمشتريات 50 ألف جنيه، وكمان رفع الحد اليومي والشهري للسحب النقدي خارج مصر لبطاقة ماستركارد تيتانيوم لـ10 آلاف جنيه و100 ألف جنيه للمشتريات.

وتجاوبًا مع قرارات البنك المركزي المصري، قرر البنك العربي الإفريقي حدود دفع قيمة المشتريات من خارج مصر لعملاء فيزا "سيجنتشر ورلد إيليت" إلى 150 ألف جنيه.