الجنيه يتقدم في معركة الدولار.. ليه زمن اللحلوح راجع تاني
ياترى معركة الجنيه مع الدولار هتخلص على إيه وليه بنقول زمن الجنيه القوي راجع تاني.. وإزاي هيرجع وامتي.. أسئلة كتيرة هتلاقي إجابتها في الفيديو ده.. شوف للآخر .
الجنيه المصري معروف وكان ليه هيبته وقوته ومكانته وسط العملات لكن مرت البلد بظروف قهرية قلبت المعادلة وسعره نزل وبقي ضعيف قدام العملات الرئيسية وبدل ما الحكومات السابقة تقويه وتصلب طوله فرضت عليه حماية وهمية قدام باقي العملات وده كان من أهم أسباب انتكاسة العملة المصرية على مدار سنين طويلة وتحديدا من بداية حقبة السبعينات ومحدش فكر يرجعله هيبته غير الرئيس السيسي لما قرر ياخد بالاسباب ويعمل اقتصاد يقوم على أسس متينة وعلمية وصحيحة وبدأ في معركة بناء البنية الأساسية للبلد وللاقتصاد اللي تقدر تستوعب اي تطوير وتكون الأرضية اللي يقوم عليها اقتصاد سليم.
ونجح السيسي يعمل بنية أساسية هي الاحدث في العالم كله طرق وكباري ومحاور وسكة حديد وموانئ ولوجستياات وكهربا ومرافق وبنية رقمية حديثة من الاخر بنى دولة تانية على أنقاض شبه دولة مفهاش بنية تستوعب مشروع واحد زي رأس الحكمة وكانت دي البداية الصحيحة لبناء قوي .
بعدها السيسي انتقل للمرحلة التانية وهي تشغيل البلد وعمل مشروعات عملاقة وقومية تكون ركيزة الاقتصاد وبدأ بقناة السويس الجديدة والعاصمة الإدارية وآلاف من المشروعات في كافة المجالات واستصلح ملايين الأفدنة وبنى عشرات المدن الذكية ومئات المناطق الصناعية واخترع تجارة اللوجستيات وبنى محاور دولية التجارة وعمل قناة سويس تالتة على السكة الحديد والطرق الدولية ونجح يخلي الموانئ المصرية محور من محاور تجارة العالم مع قناة السويس القديمة والجديدة وانطلقت البلد لاول مرة في تاريخها بعد عصر محمد علي وبقت تنتج وتصدر والاهم بقت فيها زخم للاستثمار الأجنبي والعربي .
وبعد ده كله دخلت مصر في نفق الأزمات الدولية اللي حوليها لكن قدرت تواجه ورجعت تاني تكبر واقتصادها يكبر والجنيه بدأ رحلة الصعود بعد تحرير سعره من الحماية وهيفضل يزيد قدام الدولار لغاية من هيرجع لوضعه الطبيعي طول ما فيه تصنيع وتصدير وتجارة وفكر وتخطيط.
