رد حاسم من الحكومة عن أسباب غلاء أسعار الفراخ بالأسواق وموعد بداية الانخفاض

 
بعد قرار البنك المركزي بتحرير سعر الجنية بشكل كامل قدام الدولار، واغلب اسعار السلع والمنتجات اللي بيحتاجها المواطن بدأ ترجع لمعدلها الطبيعي، الا اسعار الفراخ اللي زادت عن قبل قرار البنك المركزي ووصل سعر الكيلو دلوقتي في بعض المناطق الي 120 جنية خصوصا ان اسعار العلف نزلت بشكل كبير، يا تري اية الحكاية في الموضوع ده.. وهل فعلا في فيروس منتشر حاليا في الفراخ هو السبب في ارتفاع اسعارها بالاسواق

قرار البنك المركزي بتحرير سعر الجنية بشكل كامل في البنوك قدام الدولار، كان له فوايد كتيرة واحدة من اهم الفوايد دي انه كان الضربة القاضية للسوق السودا في التجارة بالعملات الاجنبية في مصر وخصوصا الدولار، وبعد ما الدولة قضت علي السوق السودا ووفرت الدولار للمستوردين والتجار في البنوك وبالكميات اللي هما عايزينها، اغلب السلع والخدمات اللي بيحتاجها كل مواطن مصر سعرها نظرنا وحاليا قربت توصل لسعرها العادل.
الخطوات الأيجابية اللي اخذتها الحكومة في الملف الاقتصادي للقضاء علي االسوق السودا في التجارة بالعملات، بجانب فتح معارض السلع في كل المحافظات واتاحتها بسعرها العادل قدام المواطنين خلي حركة الأسعار تهدي بشكل كبير في الاسواق، وبدأ المواطن يحس به، وبدأت موجه الغضب اللي كانت موجة بشكل كبير علي الحكومة ممثلة في وزارة التموين تهدي .
طيب اية هيا مشكلة اسعار الفراخ وليه اسعارها زادت بعد قرار البنك المركزي بتحرير سعر صرف الجنية المصري قدام الدولار؟.
قرارات البنك المركزي بتحرير سعر الجنية بشكل كامل قدام الدولار، كان لها انعاكسات بشكل مباشر علي اسعار الاعلاف خصوصا بعد قرار الحكومة بالافراج الفوري عن الاعلاف الموجودة في الموانئ والجمارك، وحاليا سعر الاعلاف انخفض باكثر من 10 الآف جنيه للطن، وبالتالي كان المفروض ده ينعكس علي اسعار اللحوم والفراخ في الأسواق، ولكن ده محصلش خصوصا في الفراخ، واللي اسعارها زادت عن قبل قرار البنك المركزي بتحرير سعر صرف الجنية قدام الدولار.
مع زيادة اسعار الفراخ واللحوم في الاسواق بدأت تنتشر اشعاعات بين التجار والمواطنين وعلي وسائل التواصل الإجتماعي انه في فيروس غريب بيصيب الفراخ وبيؤدى لنفوقها في المزارع، وعلي طول وزارة الزراعة طلعت ونفعت الاشاعة دي تماما أكدت انها عارية تماما من الصحة .
الدكتور محمد القرش، المتحدث الرسمي لوزارة الزراعة، طلع ونفس الأنباء المتداولة دي تماما، وقال أن الوزارة بالتنسيق العاجل مع اتحاد منتجي الدواجن لطمأنة المواطنين، وان القطاع بيشهد حاليا تطور ملحوظ وأن مصر حققت الاكتفاء الذاتي في صناعة الدواجن.

الإتحاد العام لمنتجى الدواجن رد هو كمان علي الاشاعة دي وقال أن دورات الإنتاج بتسير بانتظام ومفيش أي مشاكل صحية في تربية الدواجن، وأن نسبه الإشغال في عنابر التسمين عالية والإنتاج من الدواجن حالياً بيغطي كل الإحتياجات علي الرغم من معدلات الاستهلاك العالية والمتزايدة والمرتبطة بالمواسم.
الدكتور ثروت الزيني نائب رئيس اتحاد منتجي الدواجن، قال إن الأسعار هتبدا تنخفض في النصف الثانى من رمضان وده بسبب قلة الإقبال على شراء الدواجن، وهتنخفض بشكل اكبر بعد انتهاء شهر رمضان .