الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

تطور خطير في صفقة رأس الحكمة.. ايه اللي حصل

الأربعاء 20/مارس/2024 - 12:41 ص
رأس الحكمة
رأس الحكمة



إيه اللي حصل في مشروع رأس الحكمة الجديد.. وايه حكاية المنطقة الحرة في المشروع وازاي الامارات هتكسب 150 مليار دولار من الصفقة.. تعالوا نشوف التفاصيل
 
صفقة رأس الحكمة دي وش الخير على مصر والإمارات في نفس الوقت لأن المشروع في النهاية مربح جدا للطرفين لكن توقيته كان السبب في أهميته وتأثيره على الوضع الاقتصادي كان مهم جدا ولأن بعدها مصر خرجت من عنق أصعب أزمة مرت عليها وقدرت تقف على رجليها بسرعة بعد ما الأمور كانت صعبة وفوق قدرة الجميع.

وبنفكركم إن مصر والإمارات وقعوا في فبراير اللي فات صفقة استثمار عقاري، تستحوذ بموجبها شركة "القابضة" (ADQ) على حقوق تطوير مشروع رأس الحكمة مقابل 24 مليار دولار بهدف تنمية المنطقة، بجانب تحويل 11 مليار دولار من الودائع التي سيتم استخدامها للاستثمار في مشاريع رئيسية بكافة أنحاء البلاد.
وبعدها بدأت الشركة الإماراتية في إجراءات التنفيذ للمشروع وعمل الرسومات والتصورات واستعانت بأكبر مكاتب استشارية وهندسية في العالم عشان تحط تصور للمشروع الضخم. طيب ده كويس لكن الجديد بقي إن مشروع  رأس الحكمة هيضم منطقة حرة لتسهيل إقامة مشروعات استثمارية ومالية، ودي نقطة مهمة جدا وهتدي زخم كبير لاستثمار في مصر كلها لأن منطقة حرة في مشروع عالمي زي رأس الحكمة كفيل إنها توطن المليارات والاستثمارات العالمية في مصر .

وهتقدم  المناطق الحرة مزايا جمركية وامتيازات ضريبية للمستثمرين، وتخضع لإطار خاص من القواعد واللوائح، وهي مصممة لتشجيع الاستثمار الأجنبي بشكلٍ أساسي كمان الهدف من تدشين منطقة حرة في مدينة رأس الحكمة هو تسهيل إقامة مركز مالي عالمي وجذب استثمارات أجنبية خاصة باصحاب الثروات الضخمة في العالم يعني زي كده اللي بيحصل في دبي واللي بقت عاصمة للمال والثروات والمليارديرات من كل أنحاء العالم... وعشان كده هتوصل استثمارات المشروع ومحاسبه الأولية 150 مليار دولار ومصر ليها نسبة 35% من أرباح المشروع والكل كسبان.