الإثنين 17 يونيو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

أسعار البنزين والسولار الجديدة بعد تعويم الجنيه.. شوف هتفول بكام

السبت 09/مارس/2024 - 12:33 ص
اسعار البنزين
اسعار البنزين


ايه اللي هيحصل في أسعار البنزين والسولار والمواد البترولية اليومين الجايين بعد ارتفاع قرارات رفع الفايدة وتعويم الجنيه امبارح وهل فعلا هيزيد ولو زاد هيزيد قد ايه.. تعالوا نشوف التوقعات واعرف هتفول عربيتك بكام..
 

 
مصر كلها عاشت وتابعت امبارح أجواء التعويم والقلق في الأسواق ورغم إن التعويم قضى على السوق السوداء للدولار واللي كانت السبب في ارتفاع الأسعار الجنوني بسبب المضاربة في سعر العملة الأمريكية لكن لسه الناس مستنية اللي هيحصل في الأسعار والناس بدأت تسأل عن أسعار البنزين والسولار وزيت السيارات مع اقتراب صدور قرارات لجنة التسعير  وزي ما احنا عارفين اسعار البنزين والسولار وغيرها من المواد البترولية بيحدها عدة عوامل أهمها الأسعار العالمية للبترول والبنزين والغاز الطبيعي واللجنة بتاخد متوسط الأسعار العالمية.
رئيس شعبة المواد البترولية بالاتحاد العام للغرف التجارية قال إن موعد اجتماع لجنة التسعير التلقائي في  مصر ا هيكون خلال الربع الاول من شهر مارس الجاري 2024، من اجل تحديد اسعار البنين في مصر، ومن المتوقع ان تشهد اسعار البنزين زيادة جديده تصل إلى 10% يعني القرار هيكون خلال يومين او اخر الاسبوع الجاي على المعاد المقرر وتقدر تضرب سعر البنزين دلوقتي وتزود عليه 10% وتعرف هتفول عربيتك بكام بس خلينا نقولك إن دي توقعات وممكن جدا مايحصلش زيادة أو ممكن تكون أقل من 10% اللي الغرفة اتوقعتها .

وزي ما احنا شايفين  أسعار المحروقات زادت اصلا مع عدد من المواد التانية اللي ليها علاقة بالسيارات،  وفيه فريق تاني بيرجح تثبيت أسعار البنزين والسولار والغاز بسبب القرارات الأخيرة وإن الناس مش مستحملة اي زيادات تانية خاصة إن أي زيادة في أسعار المواد البترولية معناها زيارة في كل السلع بسبب ارتفاع تكلفة النقل واللي في النهاية بيتحمله المستهلك ودي حاجه الحكومة لازم تاخدها في الاعتبار وتحاول تخفف من تأثير القرارات الأخيرة خاصة وإننا داخلين على شهر رمضان الكريم وكلنا عارفين المصاريف بتزيد إزاي في الشهر ده وده غير إن رئيس الوزراء مصطفى مدبولي امبارح اتكلم عن حزمة حماية اجتماعية جديدة ضمن اتفاقية صندوق النقد الدولي ومش معقول الحكومة تدور على دعم المواطنين وفي نفس الوقت ترفع اسعار البنزين والسولار والغاز وترفع معاها كل أسعار السلع والخدمات والمواصلات.