السبت 13 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

إزاي مصر جذبت 230 مليار دولار في شهر واحد.. الانطلاقة بدأت

الأحد 03/مارس/2024 - 03:20 ص
الدولار
الدولار


ازاي قدرت مصر تجذب حوالي 230 مليار دولار في شهر واحد سواء في صفقات تم التوقيع عليها بالفعل أو صفقات جاية في الطريق وخلال أسابيع قليلة.. وايه هي المشروعات دي.. وايه مستقبل الاقتصاد المصري الفترة الجاية .. كل ده هنعرفه مع حضراتكم في الفيديو ده خليكم معانا للآخر لأننا مش بنقول أرقام وخلاص .


 
الرقم اللي قلناه لحضراتكم وهو 190 مليار دولار ده مش خيال لكن جزء كبير منه بقي حقيقة واتورد منه أول 10 مليار دولار للبنك المركزي وباقي الصفقات في الطريق وتعالوا نشرح بالتفصيل الرقم الضخم ده جي ازاي ومنين.
أول حاجة طبعا وهي الصفقة الأم و الاعظم والأكبر قي في تاريخ مصر والمنطقة كلها ومن الصفقات المحسوبة في العالم هي صفقة مشروع رأس الحكمة اللي بيهدف لبناء مجتمع كامل يستوعب ملايين المصريين بكل مرافقه الخدمية والسياحية والترفيهية والتجارية وهي صفقة العمر بالنسبه لمصر وإن كان الرقم المعلن 35 مليار دولار لكن ناس كتير مش واخدة بالها إن دي مقابل تخصيص الأرض والمرافق والموافقة على المشروع لكن استثمارات الصفقة كلها والشغل اللي هيام على الأرض وباجمالي حجم المشروع بتعدي ال150 مليار دولار ودي ارقام معلنة ومحسوبة ودي اول 150 مليار من 190 مليار .. طيب باقي المبلغ منين.
شوف حضرتك بمجرد ما تم الإعلان عن صفقة رأس الحكمة بدأت الشركات العالمية في النظر للسوق المصري وبعدها شركة إيطالية عملاقة طلبت إنشاء مجمع ضخم لإنتاج وتصنيع الحديد والصلب ودي من الصناعات الاستراتيجية الهامة في الدول ويحتاج ارقام كبيرة وعشان كده تكلفة المشروع حوالي 4 مليار دولار والشركة هتنفذ مشروع تاني للهيدروجين الاخضر ب3 مليار دولار يبقي المجموع 7 مليار دولار ومدير الشركة الإيطالية وصل مصر وقعد مع الدكتور مصطفى مدبولي والإعلان خلال أيام.
وتالت مشروع مصر بتستعد تعلن عنه هو مشروع رأس جميلة في جنوب سيناء وده مشروع ضخم وفي منطقة ساحرة على الخليج المصري وبالقرب من الحدود السعودية المصرية ومتوقع تفوز بيه صناديق وشركات سعودية مصرية وبحجم استثمارات مبدئى 15 مليار دولار ومتوقع يوصل 20 مليار دولار وهيام بردو الاعلان عنه خلال أسابيع قليلة 
من بين الاستثمارات الضخمة اللي جت مصر  قرار شركة BP البترولية البريطانية بضخ استثمارات جديدة في مصر تصل إلى 1.5 مليار دولار في أنشطة التنمية والاستكشاف على مدى السنوات القادمة، مع إمكانية ضخ استثمارات إضافية تصل إلى 5 مليارات دولار.
وكمان مصر في انتظار حوالي 15 مليار دولار من صندوق النقد الدولي ومن طرف تالت بعد تعديل اتفاق القرض القديم والصندوق قرر يزود قيمة القرض بالشكل ده بعد صفقة رأس الحكمة وتدفق الدولارات على مصر. وشاف إن الحكومة المصرية تخلصت من أهم أزمة عندها وهي نقص الدولار وانتعاش السوق السودا للعملة وإن خلاص مفيش خوف من التخلف عن السداد مهما كانت قيمة القرض واللي هيام صرفه خلال أسابيع زي ما قالت مديرة الصندوق بنفسها.
كمان مصر استلمت 500 مليون دولار من صفقة بيع حصص في 7 فنادق حكومية من اصل صفقة ب800 مليون دولار.. والكبيرة بقي هي صفقات مشروعات الطاقة النظيفة والهيدروجين الأخضر واللي وصلت قيمة استثماراتها 40 مليار دولار واللي وقعها الدكتور مدبولي علي 10 سنين.
لو جمعت المبالغ دي هتلاقيها 230 مليار دولار وكلها تمت في شهر فبراير ودا غير صفقات تانية لسه في الطريق زي المنطقة الصناعية الصينية الجديدة والمنطقة الصناعية التركية الجديدة ومشروع قطري ضخم لتطوير مارينا العلمين الجديدة ودا كله غير المشروعات اللي تم التعاقد عليها في منطقة اقتصادية قناة السويس..
طبعا كل المليارات دي بتدي امل في انطلاقة جديدة للاقتصاد المصري وزيادة الاستثمارات في الفترة الجاية وبتقول إن السوق المصري متنوع وفيه مميزات ضخمة جدا وفرص تنافسية مع أي سوق تاني.