لو مهنة حرة.. أفضل قروض تاخدهم من 4 بنوك وانت مغمض
لو كل واحد صاحب عمل حر زي الأطباء في كل المجالات والمهندسين والمحامين، المحاسبين والخبراء والمرشدين السياحين أو أي حد مهنته مش تجارية يقدر ياخد قرض ضخم 2024 من أي بنك عشان يوسع نشاطه او يشتري أجهزة أو مكتب.
قرض أصحاب المهن الحرة 2024
والحقيقة البنوك المصرية بتهتم جدا بفئة أصحاب المهن لأنهم شريحة ضخمة من العملاء وعشان كده بتقدم خدمات بنكية مهمة لأصحاب المهن ومنها القروض واللي بتكون بمميزات كبيرة.. تعالوا نشوف أهم قروض المهن الحرة من 4 بنوك مصرية.
أول بنك معانا هو المصرف المتحد، واللي بيتيح قرض لأصحاب المهن الحرة بفايدة من 17.5% إلى 18% متناقصة، والمدة من سنة إلى 7 سنين، وقيمة القرض من 10 آلاف جنيه إلى 2.5 مليون جنيه، والحد الأدنى للدخل 25 ألف جنيه، والعمل قائم بحد أدنى عامين.
تفاصيل قرض أصحاب المهن الحرة في البنوك 2024
كمان بنك التنمية الصناعية بيقدم أقل فايدة لقروض أصحاب المهن الحرة بقيمة 18% متناقصة.. ومدة القرض بتوصل 5 سنين وقيمة التمويل بتبدأ من 50 ألف جنيه إلى 500 ألف جنيه، وقيمة القسط 50% من الدخل الشهري بحسب ضوابط البنك المركزي.
أما القرض الشخصي في بنك قناة السويس لأصحاب المهن الحرة، فهو بفايدة 22.5% متناقصة، ومدته بتوصل إلى 5 سنين، وقيمة القرض ممكن توصل مليون جنيه، ومدة التمويل حتى 60 شهر، والحد الأدنى لصافي الدخل 15 ألف جنيه.
وأخيرا في بنك الإسكندرية القرض الشخصي 2024 لأصحاب الأعمال والمهن الحرة واللي بيغطي الاحتياجات المختلفة لأصحاب الأعمال والمهن الحرة العاملين في مصر.
قرض بنك الإسكندرية بيشمل تأمين على الحياة طوال مدة التمويل.. وفترة سداد طويلة تصل ١٢ سنة.. وأسعار عائد تنافسية مع امكانية الاختيار بين أسعار متغيرة أو ثابتة.
قيمة التمويل تصل 500 ألف جنيه.
وبخصوص الشروط .. سن العميل يكون بين ٢٥ الى ٦٥ سنة.. والحد الادنى لمدة النشاط 24 شهر
وأخيرا المستندات المطلوبة وهي صورة من بطاقة الرقم القومي.. وكشف حساب بنكي 12 شهر.. وبطاقة ضريبية سارية... ومستخرج سجل تجارى حديث.
فاتورة مرافق حديثة " غاز – كهرباء – تليفون " لا يتعدى تاريخها ٣ أشهر
يمكن طلب مستندات اضافية وفقا لبرنامج التمويل
