طب لو بكرة حصل تعويم الدولار ممكن يوصل لكام.. وايه اللي هيحصل
اسعار العملات في العالم وفي الظروف الطبيعية زيها زي اي سلعة وسعرها بيتحدد بالعرض الطلب والمشكلة مش في سعر العملة قدام باقي العملات التانية لكن المشكلة في قيمة العملة بتاعها وقوتها الشرائية وفيه عملات سعرها قليل جدا قدام الدولار لكن قوتها الشرائية جدا زي الين الياباني العبرة هما بمرونة سعر الصرف وقاعدة العرض والطلب وغير كده يبقي فيه خلل لازم الدولة تصلحه في وضع عملتها في الأسواق لأن التحكم في سعر العملة دائما بيكون ضدها.. لو حصل تعويم بكرة الدولار هيكون بكام وايه اللي هيحصل
في الأول لازم نكون عارفين إن فيه فرق بين أسعار العملات في الظروف العادية واسعارها لما يكون فيه خلل في السوق يعني لو سعر الجنيه قدام الدولار في وضع السوق الطبيعي ومن غير اي تدخل لا من الحكومة أو السوق السوداء غير سعره لو فيه استغلال وتحكم ومضاربين في سعر الدولار ، وحسب كل خبراء العملات والبنوك والاقتصاد السعر العادل والطبيعي للدولار بين 35 إلى 40 جنيها لو مفيش سوق سودا وسعره هيكون أقل من كده بكتير لو فيه توازن أو طلب أقل على الدولار حسب معادلات السوق يعني ببساطة المشكلة مش في الجنيه لكن المشكلة في كتر الطلب والاعتماد على الدولار وهنا هتكون المقارنة ظالمة جدا للجنيه المصري والمشكلة في استهلاكنا للدولار وبنقول استهلاكنا لأن زي ما قلنا الدولار واي عملة في العالم هي سلعة وعرض وطلب.
يبقي حل كل مشاكل مصر في استهلاكها من الدولار وفي المقابل عدم وفرته وهنا بتبقي أزمة مضاعفة يعني لو انا كدولة يستهلك دولار كتير في الاستيراد والديون وفي نفس الوقت عندي موارد دولار قوية مش هيكون فيه أزمة خالص لكن لما يكون عندى زيادة في استهلاك الدولار وفي نفس الوقت مش موجود او معروضه قليل هنا الدولة بتكون في مشكلة خطيرة والأخطر لما تكون فيه سوق سودا بتضارب ليل نهار على الأسعار يبقي كتر خير الاقتصاد اللي لسه صامد وعشان كده الحكومة السابق الزمن عشان توفر الدولار من ناحية ومن ناحية تانية بتقلب الاعتماد عليه عشان تحقق المعادلة اللي قلنا عليها وعشان كده مصر قررت تدخل البريكس وتعمل اتفاقيات مبادلة عملات وتقلل فاتورة الاستيراد وتزود التصدير وتنمي موارد الدولة من الدولار وساعتها مشاكل الاقتصاد كلها هتتحل
طيب لو على الوضع الحالي والبنك المركزي حرر تاني سعر الجنيه إيه اللي هيحصل.. طبعا خطوة التعويم لو تمت من غير احتياطي دولاري كفاية في البنوك هتحصل أزمة كبيرة جدا وسعر الدولار هيرفه بشكل غير مسبوق وممكن يوصل ما بين 50و80 جنيه ودا هينعكس على الأسعار لأن زي ماقلنا مصر بتعتمد على الدولار في استيراد سلع كتير أساسية ولوازم انتاج ومعدات تصنيع ودا كله هيزيد زيادة غير طبيعية مع ارتفاع الدولار لأن المستورد هيجيب البضاعة بالدولار وأصحاب المصانع والشركات هتستورد بالدولار ولازم يكسب ولا السوق المصرية مش هتكون جاذبة لاي استثمار بعد كده.
