سرقوا الصندوق يا محمد.. وسيلة نصب جديدة لعصابة "الدولارات".. احذر منها

نصابين جدد في مصر هاياخدوا منك الدولارات.. ويقولولك الطريقة مضمونة وأمان.. وفي الآخر تكون النتيجة إنك تخسر اللي حيلتك.. يا ترى اية طريقة النصب الحديثة اللي بنقول عليها؟؟؟ وبتم ازاي؟؟ يلا بينا نعرف

الناس لما تقفش في أيديها دولارات بتاخد بعضها وجري على السوق السودا.. علشان العملة بتتغير بالـ 48 جنيه وأحيانًا 50.. ودي مبالغة من التجار.. واتكلمنا عنها قبل كدا في فيديوهات كتير.

النهاردة بقى هانتكلم مع حضراتكم على وسيلة حديثة بيتبعها عدد من النصابين علشان ياخدوا من الناس دولاراتهم.. وفعلًا في ناس كتير وقعت في الفخ وخسرت فلوسها بسبب عمليات النصب الإلكترونية دي.

في دلوقتي.. عدد من التطبيقات على متجر IOS وجوحل بلاي.. بيتم عليهم عرض أسعار الدولار والعملات في السوق الموازية (السوق السوداء) بشكل غير قانوني.. وطبعًا دول تطبيقات سمعتهم معروفة بالأمان والثقة.

المهم أن متجري جوجل وآبل لما التطبيقات تطلب منهم حاجات مماثلة زي إمكانية تغيير العملة وغيره بيطلبوا من التطبيقات دي تقديم مستندات قانونية تثبت أنهم بيمثلوا شركات مش مجرد أفراد.. ودا بغرض رفع التطبيقات على متجري جوجل وآبل.

الجديد بقى أن الشركات اللي بتقدم لمتجري جوجل وآبل.. مؤخرًا تم اكتشاف أنها شركات وهمية.. ومش حقيقية.. وبيتم التواصل مع المواطنين بغرض تغيير الدولارات اللي معاهم ولما يتم الإرسال من قبل المواطن المالك للعمل الصعبة.. يكون الطرف التاني اختفى.

الفكرة.. أن التطبيقات دي مابتستخدمش كلمات زي السوق السودا .. أو السوق الموازي.. علشان جوجل ماتحظرهمش.. لكن بيتم استخدام كلمات معبرة تانية زي "سعر السوق - سعر البنك"، والزبون من دول  يدخل وهو مطمن ويبدأ في تحويل الدولارات.

المطلوب حالًا هو أن الجهات الرسمية لازم تتقدم بطلب لجوجل أو ios علشان تحذف التطبيقات دي، لأنها مضرة للسوق وكمان لأن متاجر التطبيقات مش شايفه فيها أي مخالفة لحذفها، وعلشان كدا لازم يتم تقديم طلبات رسمية بحذفها.

وبالمناسبة.. الفترة الأخيرة انتشرت تطبيقات إلكترونية على الهواتف المحمولة، تحت مسميات مختلفة، بتنشر أسعار الدولار والعملات في السوق السوداء، وبتأكد إمكانية تغييرها إلكترونيًا أو من خلال وسيط.

خلو بالكم وبلاش أصلًا التعامل مع السوق السودا لأنها جريمة يعاقب عليها القانون