عملة قديمة يوصل سعرها أكثر من 3 مليون جنيه.. هتبقي غني في لمح البصر

لو عندك العملات دول بالتحديد هاتبقى في حتة تانية..تجار مستنيين العملات القديمة بفارغ الصبر علشان يتشروها بمبالغ كبيرةالعملات القديمة بوابتك للغنى.

ااااه يا ابن المحظوظة.. دي جملة كانت بتتقال لما حد يقع على ورث تقيل .. أو لقى كنز.. إنما دلوقتي تقدر تقوله على واحد معاه عملات قديمة.

ايووووه زي ما بنقولك كدا.. لأن العملات القديمة سعرها بقى عاااااااااالي اوي.. واللي شوية منهم يخلي عندك مليون أو اكتر.

ولازم تكون عارف إن قيمة العملات القديمة مابتعتمدش على وقت صدورها، لكن الموضوع متوقف على مدى ندرتها، لأن كل لما كانت العملة نادرة وغير شائعة بيكون ثمنها أو قيمتها التسويقية أعلى.

تعالى بقى نقولك على أسعار شوية عملات.. وتشوف هما بيساوا كام دلوقتي.

يعني عندك ريال السلطان فؤاد.. دا سعره بيتراوح بيعه ما بين 100 ألف ومليون جنيه.

وبيتراوح سعر عملة الـ 5 مليمات  ما بين الـ 15 و 20 ألف جنيه.

بينما سعر الجنية أبو جملين سعره بيترواح ما بين 200 ألف إلى مليون جنيه.

وكمان سعر البريزة والشلن بيصل إلى 30 ألف جنيه.

دا غير الـ 50 قرش المعدنية اللي سعرها بيوصل ل 5 آلاف جنيه مصري.

وكمان الشلن بتاع زمان اللي كنا بنرميه دا سعره دلوقتي بتصل ل 45 ألف جنيه.

بس خلي بالك مسألة تقييم سعر العملة، بيتم من خلال تحديد تاريخ إصدارها، والتأكد من سلامة حالتها الفيزيائية، والرقم التسلسلي المطبوع عليها في حالة كونها ورقية، وما إذا كانت موقعة من قبل شخصية مرموقة في ذلك الزمان.

طبعا في ناس مش متخيلة أن العملات اللي بنقول عليها دي بقت بالارقام دي بالرغم من أننا ممكن نكون كنا بنرميها.. لكن مسألة ندرتها خلاها بالارقام دي.

السؤال الأكثر طرحا في الموضوع دا.. فين نقدر نبيع العملات القديمة دي لو معانا

حضرتك لازم تعرف إن دلوقتي في مزادات بتقام من خلال السوق الإلكتروني العالمي "إيباي ebay"، والمعنية بعرض وبيع العملات القديمة من مختلف البلدان بمختلف أنواعها، ومن ضمنها العملات المصرية القديمة.

وكمان في مواقع للبيع والشراء محلية، دا غير مواقع التواصل الاجتماعي “فيسبوك” من خلال خاصية “الماركت” الموجودة بالموقع أو الجروبات الخاصة ببيع وشراء العملات القديمة والنادرة.