قريبا تشغيل خدمة اتصالات الجيل الخامس بمصر.. حكاية النص مليار دولار والطيارات المسيرة

 
قطاع الاتصالات وتكنولوجيا المعلومات من اكتر قطاعات الاقتصاد المصرية نموا والدولة استثمرت حوالي 82 مليار جنيه في القطاع المهم جدا لأنه بيمثل اقتصاد المستقبل وشفنا ازاي العالم دخل على ثورة الذكاء الاصطناعي والتقنيات المتطورة والميتافرس والواقع الافتراضي وهي دي تكنولوجيا المستقبل واللي هيتخلف مش هيلحق أدوات العصر الجديد اللي هيعتمد بشكل كبير على الروبوت والذكاء الاصطناعي.

مصر قفزت خطوة واسعة في عالم التحول الرقمي والتقنيات والاتصالات المتطورة والحكومة المصرية  بتستعد لطرح رخص إنشاء وتشغيل شبكات اتصالات الجيل الخامس (G5) في ديسمبر اللي جاي وامتياز الرخصة الواحدة لن يقل عن 500 مليون دولار.

والحكومة بتنتهي من اللمسات الأخيرة للإعلان عن التفاصيل وعقدت  اجتماعات ومناقشات مع الشركات بشأن الرخص والشؤون المالية المرتبطة بها، كما أن الموعد المتوقع للطرح قبل نهاية العام، لكن قد يمتد لمطلع العام الجديد لو طلبت الشركات اللي بترغب بالحصول على الرخصة مزيدًا من الوقت حتى تؤمن التمويل اللازم.

ومعروف إن الجهاز القومي لتنظيم الاتصلات سبق ومنح سنة 2016 رخصة إنشاء وتشغيل شبكات الجيل الرابع للهواتف المحمولة في مصر مقابل 484 مليون دولار إلى "أورنج"، و335 مليون دولار لـ"فودافون مصر"، و 535.5 مليون دولار لـ"اتصالات مصر"، ومقابل 1.1 مليار دولار لـ"المصرية للاتصالات"، واختلفت قيمة حقوق الامتياز من شركة إلى أخرى حينها بحسب طبيعة كل رخصة وحجم الترددات التي حصلت عليها كل شركة.
طيب ايه هي مميزات الجيل الخامس للاتصالات .. شوف حضرتك دا نوع هيمنح المستخدمين مميزات السرعة الفائقة  بفضل سرعة تقنية 5G العالية وسعتها الهائلة وزمن انتقالها المنخفض، وبتساعد في دعم تطبيقات كتيرة وتوسيع نطاقها، زي التحكم في حركة البيانات المتصلة، وتوصيل الطائرات بدون طيار، ومحادثات الفيديو، والألعاب بجودة وحدة التحكم أثناء التنقل.