أحلى خبرين قبل نهاية 2023

الناس استحملت كتير عشان خاطر بلدهم والأزمة الاقتصادية تعدي بخير لأنهم عارفين وشايفين العالم حوليهم عامل ازاي وشيايفين بردو الدولة كانت شغالة وبتجري ازاي قبل كورونا وبعدها وعشان كده كان لازم الرئيس يشكر الناس علنا وقال إن المصريين فاجئوه وابهىروه بسبب طول صبرهم وقد إيه الشعب دا ذكي مداش الفرصة لأي جهة ولا إعلام مضلل ولا حملات مدفوعة عشان يدق اسفين بين الدولة وبين الشعب أو تحديدا بين الرئيس وبين المصريين.

نهاردة بنتكلم عن معاناة الناس لأنها قربت تخلص والحكومة مش ساكتة وشعار المواطن اولا مش شعار وخلاص وأول خطوة في إنهاء معاناة الناس مع الأسعار الغالية وهي اكتر حاجة تعبت المصريين على مدار السنة الحالية لأنها أثرت على ظروف المعيشة ودخل المواطنين.. كلنا عارفين إن الحكومة وصلت لاتفاق مع كبار التجار والمستوردين والبنك المركزي والوزارات المعنية على تخفيض عدد كبير من السلع الأساسية اللي بتعتمد عليها الأسر المصرية زي الزيت والسكر والعدس وغيرها والانخفاض في الأسعار هيكون حقيقي وملموس وكبير وهيريح جيوب المواطنين وكمان المبادرة مستمرة ومش محددة بفترة وهنا بيبان معدن التاجر المصري الأصيل ودا اول خبر حلو معانا لانه هيدخل حيز التنفيذ خلال أيام.

الخبر الحلو التاني اللي معانا هو استمرار انخفاض الدهب في الصاغة ودي فرصة عشان الشباب يتجوز ويشتري شبكته بسعر معقول والاستقرار في سوق الدهب بيعكس حالة الاستقرار في أسواق صرف العملات وفي خطوات الحكومة اللي بتشتغل ليل نهار عشان تهون الأمور والأزمات على المصريين والدهب سلعة مهمة جدا للاستثمار الآمن وحفظ قيمة العملة كمان وأداة التحوط ضد تقلبات السوق ولسه فيه أخبار تانية حلوة في الطريق خاصه بأزمة الدولار والنمو الاقتصادي ومبادرات تانية للتخفيف عن المصريين.