هجمة مرتدة من المزكزي المصري.. ولغز أزمة السكر.. وعودة قوية للاستثمارات الخليجية المصري

متابعينا الكرام على كل منصات بانكير أهلا وسهلا بيكم وجولة جديد على رأس الساعة، وملخص لأهم الأحداث والتحليلات والمعلومات اللي قدمتها وحدة الأبحاث والتقارير في بانكير النهاردة الخميس 28 سبتمبر 2023 لمشاهديه الكرام على كل منصات السوشيال ميديا.

البداية كانت النهاردة بخصوص أزمة أسعار السكر في السوق المصري واللي جت بعد أزمات مشابهة وكلها ورا بعضها زي اللي حصل في أسعار الأرز والبصل قبل كده، والحقيقة الموضوع فيه لغز كبير جدا ودا بسبب إن كل السلع بتزيد في توقيت معين وبسرعة وفي نفس الوقت السلعة بتكون مفهاش أزمة من ناحية الوفرة أو الانتاج ودا ظهر جدا في اسعار البصل ومصر زي ماقلنا قبل كده الرابع عالميا في الانتاج وكمان بتصدر الفائض ورغم كده محدش عارف البصل بقي اغلى من  التفاح ازاي.

ونرجع للسكر واللي المفروض مفهوس أزمة بردو لأن نسبة الفارق بين الانتاج والاستهلاك بتترواح مابين 300 إلى 400 ألف طن والدولة بتستوردهم عادي وفي نفس الوقت بردوا فيه احتياطي يكفي لأكتر من 5 شهور... لكن بردوا محدش عرف المشكلة فين وليه سعر الكيلو  رفع من 22 جنيه لـ40 جنيه لأن الطن رفع من 22 و24 ألف جنيه ل 38 و40 ألف جنيه.
طبعا موضوع السكر وقبله الارز والبصل والطماطم والسجاير جزء كبير منها بيتعلق بالرقابة على الاسواق والعقوبات الهزيلة ودا وضع لازم يتصحح لأن في النهاية المواطن هو اللي بيتحمل كل حاجة وبيشتري بالغالي.

وحدة بانكير عرضت تقرير مهم جدا عن أزمة كبيرة في  سوق الأدوية المصري والموضوع خاص المرة بانتشار ظاهرة نواقص الأدوية والحقيقة الأزمة دي خطيرة جدا لأنها بتتعلق بحياة وصحة المواطنين والمرضى واللي بينهم مرضى بأمراض مزمنة ونقص الأدوية بالنسبة لهم يعني لاقدر الله موت ووفاة وخاصة مرضى السكر واللي كتير من الأدوية مش موجوده.

مش بس كده دا كمان أزمة نقص الأدوية دفعت ناس معدومة الضمير إنها تغش الأدوية ودي جريمة مكتملة الأركان لدرجة إن هيئة الدواء المصرية حذرت في بيان رسمي من عبوات مقلدة ومغشوشة لدواء مضاد حيوي اسمه "تاريفيد 200 ملجم" من إنتاج شركة سانوفي، والمستخدم في علاج المسالك البولية والتهاب المثانة والكلى، والصدر أو الرئتين تحت إشراف طبي.

وقبل كده حذرت الهيئة من عبوات مقلدة ومغشوشة في السوق من قطرة عين بولي فريش 10 ملم، والمستخدمة تحت إشراف طبي في علاج أعراض جفاف العين زي الحرقان والشعور بنغزات.

سوق الدواء في مصر حجمه كبير جدا ومحتاج رقابة وسيطرة وبيوصل لحوالى 300 مليار جنيه حسب البيانات الرسمية، وفى تصريحات سابقة لوزير الصحة ، الدكتور خالد عبد الغفار أكد  إن الوزارة بتستهلك ما يقرب من مليار دولار أدوية سنويا وده رقم بيمثل حوالى 25% من الاستهلاك العام للدواء في مصر.
 

منصات  بانكير نشرت النهاردة بردوا تقرير مهم جدا عن الاستثمارات الخليجية في مصر وبداية عودتها في المشروعات وتأثير على ازمة الدولار.

والحقيقة موضوع الاستثمارات الخليجية في مصر دا مهم حدا وحساس لأنه مؤشر على طبيعة العلاقات بين مصر ودول الخليج وهو الملف اللي إعلام الإخوان بيستخدموه عشان يوقعوا بين مصر والخليج وكلنا تابعنا ازاي إعلامهم روج إن الخليج رفع إيده عن مصر وإنه قلب السيسي وحاجات كتير من الكلام الفارغ دا، ولأن الناس دي متفهمش حاجة في السياسة وعلاقات الدول ومصر والخليج طول عمر العلاقة بينهم سند وضهر للتاني.

والارقام الجديدة بتاكد إن الاستثمارات الخليحية راجعة مصر بقوة وفيه اقبال خليجي كبير جدا على شراء العقارات فى مصر تحديدا فى اخر كام شهر، وبتتسابق الشركات والأفراد من دول زي السعودية والامارات وقطر والكويت على شراء عقارات فى المدن الجديدة فى مختلف المحافظات وتحديدا فى القاهرة والاسكندرية والعلمين الجديدة ومرسى مطروح والعين السخنة وغيرهم من المدن. 

وبلغة الأرقام والبيانات 94% من المستثمرين الأثرياء في دول الخليج اللى بيمتلكو أكتر من مليون دولار كأصول استثمارية عندهم رغبة لشراء عقارات في مصر، وبيخطط 56% منهم للقيام بده في العام الحالي

من بين التقارير المهمة اللي نشرتها وحدة تقارير بانكير عن زيارة غاية في الاهمية لوفد مصري رسمي رفيع المستوي لاجتماعات البريكس في جنوب افريقيا بعد ما مسئولي البريكس عملوا مفاجأة لمصر بدعوة رسمية لمصر للمشاركة في أعمال النسخة التاسعة للمنتدى البرلماني لدول تجمع بريكس، ، وفعلا حضر المستشار الدكتور حنفي جبالي رئيس مجلس النواب على رأس وفد من مجلس النواب فعاليات المنتدى، ودي أول مشاركة مصرية  من نوعها منذ دعوة مصر للإنضمام لعضوية تجمع بريكس.
طبعا الدعوة لمصر مش على أساس إنها ضيف لكن على أساس إنها خلاص بقت عضوة رسمية في التكتل الأهم في العالم دلوقتي.

ـ

منصات بانكير عرضت كمان تقرير مهم وهو بيتعلق بمشروع قناة سويس تالته بتعملها مصر.. أيوا زي ماسمعت كده بس هو مشروع بعيد عن البحر وبيتعمل في قلب الصحراء والمرة دي القناة هتكون على قضبان سكة حديد ، ومصر دولوقتي بتنفذ مشروع لشبكة قطارات سريعة لنقل البضايع بكميات ضخمة من الشرق والغرب وصولا للمواني البحرية .

وكلنا سمعنا عن مشروع القطار الكهربائي السريع، واللي بتنفذه مصر بالتعاون مع شركة سيمنز الألمانية، واللي البعض أطلق عليه قناة سويس جديدة على القضبان، ودا الوصف كمان اللي استخدمه وزير النقل بسبب أهمية المشروع، ومقرر يربط البحرين الأحمر والمتوسط عند العين السخنة والعلمين،  وعلى فكرة مصر نفذت مشروعات نقل ومواني بحوالي 2 تريليون جنيه ودا كله تم  طبعا في عهد الرئيس السيسي
ـــــــــ
التقرير الأخير معانا النهاردة واللي نشرته منصات بانكير كان يخص تحركات وجولات المصرفي حسن عبدالله محافظ البنك المركزي المصري واللي قام بما يشبه هجمة مرتدة على الدولار في الساعات الأخيرة وكلنا تابعنا نتايج زيارته للصين ولقائه محافظ البنك المركزي الصيني والاتفاقات المهمة اللي تمت بين مصر والصين في التعاون المالي ومبادلة العملات وعبد الله استعرض مع نظيره الصيني مشروع مؤشر الجنيه اللي مصر هتطلقه في القريب العاجل واللي هيحدد السعر العادل للجنيه أمام سلة عملات عالمية رئيسية.

والحقيقة اتفاقية مبادلة العملات مع الصين مهمة جدا لأن الصي من أهم شركاء مصر التجاريين على مستوى العالم، بحجم تبادل تجاري 16 مليار دولار وده رقم كبير جدا ممكن مصر توفرلوا لو تعاملت مع الصين بالعملات المحلية وده هيخفف الضغط على الاحتياطي النقدي من الدولار وكمان هيقلل فاتورة الاستيراد

كمان المصرفي الكبير حسن عبد الله زار الإمارات من ساعات ووقع اتفاقية ثنائية مهمة جدا مع مصرف الإمارات العربية المتحدة المركزي برئاسة خالد محمد بالعمى، محافظ مصرف الإمارات المركزي، لمقايضة الدرهم الإماراتي والجنيه المصري.

وبتتيح الاتفاقية للطرفين مقايضة العملات المحلية بقيمة إسمية تصل إلى 5 مليارات درهم إماراتي و42 مليار جنيه مصري.

وأكد حسن عبد الله إن اتفاقية مبادلة العملات بين مصر والإمات بتأتي في إطار التعاون المستمر بين البلدين  ودعمًا لأواصر التعاون وبتعتبر عملية المقايضة حجر الأساس في دعم التعاون المالي بين البلدين بالعملة المحلية.