هل تطرح البنوك شهادات ادخار بفائدة 30%؟
هل تطرح البنوك شهادات جديدة؟..مصير نسبة الفايدة في الشهادات الجديدةماذا يحضر البنك المركزي في اجتماعه المقبل؟
خلاص قربنا على انعقاد اجتماع لجنة السياسة النقدية في البنك المركزي يوم الخميس المقبل علشان يتم الاستقرار على نسبة الفايدة الجديدة.
والتوقعات لسه ما بين تثبيت سعر الفايدة دون تغيير خلال اجتماع لجنة السياسة النقدية أو رفع نسبة الفايدة بسبب ارتفاع معدلات التضخم في مصر ل 36.8٪.
وفي الحقيقة خبراء متخصصين رجحوا رفع نسبة الفائدة بمقدار ١٪ .. وآخرين بنسبة ٢٪.
طب اية حكاية الشهادات وأية مصيرها.. وهل هايتم إصدار شهادات جديدة بعائد مرتفع.
الحقيقة.. أن أغلب الترجيحات بأن البنوك كدا كدا هاتطرح شهادات جديدة مرتفعة العائد.. ويمكن يكون الأعلى على مدار التاريخ بالنسبة للعائد الشهري.
خلونا نقول لحضراتكم إن دلوقتي البنوك العامة زي البنك الأهلي وبنك مصر.. عندهم شهادات بعائد يبلغ 19.5٪.
لكن البنوك بتستعد إلى طرح شهادات ثلاثية بعائد أكبر من كدا.. وقد تتراوح النسبة ما بين ٢٥٪ إلى ٣٠٪.. والعائد هايتصرف بنظام شهري.
والشهادات اللي متوقع إصدارها تقريبا هاتكون مدتها ٣ سنين.. والعائد زي ما قولنا هايتصرف شهريا.
لكن الشهادات دي من المتوقع أنه يتم طرحها بحد أدنى للشراء مليون جنيه.
طيب حد هايسأل ويقول لية البنوك ممكن تطرح شهادات مرتفعة العائد كدا؟
هانقوله الدولة في الوقت الحالي مركزة على الاستثمار في الجنيه وزيادة السيولة النقدية داخل البنوك.. وفي حالة طرح الشهادات دي. هيكون الإقبال على شرائها كبير جدا.. ودا هايساعد في ضخ مبالغ كبيرة جدا في البنوك.
و البنوك طبعا بتحاول تجذب مدخرات المصريين المقيمين داخل الدولة أو العاملين بالخارج، ودا يمكن يساهم في تهدئة معدلات التضخم.
كمان البنوك بتستهدف "توطين العملة المحلية ومنع تحويل الأموال إلى دولارات أو تهريبها إلى الخارج".. وعلشان كدا بتطرح شهادات مرتفعة العائد.
كمان لما الناس تشتري الشهادات دي.. من شأنه إنه يوفر سيولة لخزينة الدولة، علشان تواجه متطلبات الإنفاق الكبيرة في المشاريع المتعددة اللي بتقوم بيها.
لازم نحط في الاعتبار إن الشهادات الجديدة اللي هايتم طرحها بالجنيه هاتدي حائزي الدولار فرصة للاستغناء عن العملة الصعبة.. وتحول مدخراتها بالجنيه علشان تشتري الشهادات الجديدة.
الشهادات من أهم وأفضل وسائل الاستثمار.. خاصة لو كانت مرتفعة العائد.. والخبراء بينصحوا العملاء بأنها تكون أولوية عن الودائع. بسبب ارتفاع عوائدها.
الناس بقى تستعد وتحضر فلوسها علشان تشتري شهادات مرتفعة العائد
