تحالف بريكس يكشر عن أنيابه.. ومصر تنتظر "الهدية الكبرى"

فيه نظام عالمي جديد بيتشكل فى الشهور الأخيرة .. نظام هيقضى على فكرة القطب الأوحد والدولة الوحيدة المهيمنة على اقتصاد العالم.. وهتظهر قوى جديدة نصيبها من الانتاج العالمي وحجم التجارة بيزيد يوم بعد يوم.. ومن حسن الحظ ان مصر هتكون من أكتر الدول اللى هتستفيد من اللى بيحصل بعد الخطوة المهمة اللى خدتها من فترة طويلة وهتبدأ جنى ثمارها فى 2024 .. فيا ترى ايه اللى بيحصل بالظبط ؟ وايه دور المملكة العربية السعودية في النظام المالي الجديد اللى هيقود العالم ؟ وايه كواليس التنسيق بين ولى العهد السعودي محمد بن سلمان والرئيس الروسي بوتين؟ 
 
يوم 24 أغسطس اللى فات وفى قلب العهاصمة الجنوب افريقية فجر تجمع بريكس مفاجأة من العيار الثقيل وأعلن قبول انضمام 6 دول للتجمع اللى بيضم الصين وروسيا والهند والبرازيل وجنوب افريقيا والدول الجديدة منهم 3 دول عربية هي مصر والسعودية والامرات بالاضافة الى 3 دول تانية هي الأرجنتين واثيوبيا وايران .. مش بس كده بريكس اعلن كمان عن توقيع اتفاقيات بين الدول الاعضاء للتعامل بالعملات المحلية فى المعاملات التجارية بالاضافة لحاجة مهمة بيتم دراسة كل تفاصيلها حاليا وهي استحداث عملة عالمية بديلة للدولار فى اطار خطوات تصعيدية من بريكس هدفها التخلى عن العملة الأمريكية فى المعاملات التجارية وكمان فى حجم الاحتياطيس النقدي من العملات فى البنوك المركزية حول العالم. 
والخطوات الجديدة دي عاملة رعب للأمريكان اللى عارفين كويس اوى ان نجاح بريكس فى مخططه بيهدد عرش الدولار اللى من خلاله امريكا مسيطرة على العالم وبتلاعب كل الدول وتحديدا من اول العمل بنظام البترودولار اللى رط بين سعر النفط عالميا وبين العملة الأمريكية وبناء عليه كان بيتم تسعير سعر برميل النفط أو اى سلعة عالمية تانية بالعملة الأمريكية. 
واكبر ضربة للامريكان من بريكس كانت انضمام المملكة العربية السعودية للتحالف.. طب ليه السعودية هي الخطر الأكبر على الأمريكان فى بريكس؟ 
بص حضرتك بريكس بيضم فى عضويته حاليا دول عظمى زي الصين وروسيا وحجم انتاج دول التجمع بيصل الى 30 % من الانتاج العالمي وكل دي حاجات حلوة طبعا لكن السعودية ليها ثقل عالمي كبير باعتبارها واحد من أكبر منتجي النفط فى العالم وكمان هي الوحيدة اللى تقدر تكسر شوكة الامريكان من بكره الصبح لو طلعت واعلنت فك ارتباط النفط بالدولار وانها ما يعرف بنظام البترودولار وده هيكون اعلان رسمي بالفعل لزمن الدولار وعشان كده الامريكان هيموتوا من خطوة السعودية بالانضمام لصفوف الروس والصينيين وباقي دول البريكس.

وامبارح تحالف بريكس كشر عن انيابه وخد اول خطوة فى الصدام مع الامريكان باعلان 2 من أهم الأعضاء وهما روسيا والسعودية تمديد خفض انتاج النفط لمدة 3 شهور جايين من دلوقتى ولاخر 2023 .. وده قرار موجه للامكريكان والدول الغربية بشكل خاص لان خفض الانتاج هيجبرهم على استخدام احتياطي النفط أو هيضطروا يشتروا بسعر عالى لأن بمجرد اعلان السعودية وروسيا تمديد قرار خفض الانتاج اسعار البترول قفزت قفزات كبيرة وسعر البرميل تخطى ال 90 دولار لأول مرة من نوفمبر 2022. 
وفيه تنسيق كبير وعلى اعلى مستوى بيتم حاليا بين الرئيس الروسي فلاديمير بوتين والامير محمد بن سلمان حوالين خطط التعامل مع سوق النفط خلال السنين الجاية وموقف خفض الانتاج من جديد. 
ولحسن حظ مصر ان اللى بيحصل حاليا بيصب فى مصلحتنا خصوصا انها بداية من يناير 2024  هتصبح رسميا عضو فى بريكس وهتدخل فى اتفاقيات مبادلة العملات المحلية وهتقد تستفيد منها فى شراء البرتول بالعملات المحلية بعيدا عن الدولار وده هيخفف الضغط على الاحتياطي النقدي من العملة الأجنبية وهيقلل سعر المواد البترولية اللى هيتم استيرادها لأن الدفع هيكون بعملات سعرها اقل بكتير من الدولار