المصريين الدولار.. الحياة بقت أوفر يرايس
المصري كائن قادر على التكيف في أصعب الظروف وأكتر شعب يتحمل أصعب الأزمات ويطلع منها أقوى من الأول,, لكن هل ياترى المصريين هيقدروا يعدوا الأيام التقيلة في النفق الصعب ولا ظهرهم مش هيستحمل..
الحياة مع أوفربرايس دي الحقيقة الجديدة اللي دخلت على حياة المصريين كل السلع بقي عليها أسعار إضافية وكل شوية بتزيد بداية من الفول والطعمية لغاية اللخمة والفراخ والسمك والعربيات والسجاير والمحمول والدهب والفضة، وتكاليف السفر والرحلات.
مين السبب في حياة الأوفربرايس .. أكيد مش الناس لكن عوامل كتير كانت السببب بدايتها كورونا وبعدها المشكلة في أوكرانيا وبعدها اضطراب العالم وانهيار بنوك وارتفاع الأسعار العالمية، وهروب الدولار ووقعنا في فجوة غصب عننا بنحاول نخرج منها في أقرب وقت.
لكن اللي اخترع الاوفربرايس هما التجار والمضاربين والمستفيدين وضيف عليهم جماعات التحريض واللي دخلوا على خط الأزمة ولموا الدولار من جوه ومن بره عشان البلد دي توقع ومتقومش تاني.
مفيش شك الأيام اللي احنا فيها هي أيام عجاف لكن الخير جاي والأزمة عدت الخطر وبكرة أحسن وبالأرقام لكن لازم الكل يتحاسب ودا اللي قاله الرئيس السيسي محدش هيهرب من الحساب وكل اللي استغل وخان البلد في أزمتها واتربح وكسب من جيب الغلبان .. كله هيتحاسب.
