ازاي بيتحدد القرض الشخصي؟ واية الفرق بينه وبين التمويل العقاري؟
الجمعة 21/يوليو/2023 - 12:45 ص
القرض الشخصي بيتحدد على أساس الحد الائتماني.. يعني ببساطة كدا.. بيتم تحديد أقصى مبلغ يطلع من مرتبك كل شهر.
ويٌفضل في القروض الشخصية أنك تروح للبنك اللي بيتحول عليه المرتب.. لأن الفايدة بتكون فيه أقل.. والقرض الشخصي بيكون بضمان مرتبك أو مرتبك.
وأغلب القروض الشخصية بيتم تسديدها على مدة تتراوح ما بين 24 شهر لحد 84 شهر.
ولو ماعرفتش تسدد أو تعثرت.. البنك هاياخد فلوسك من مرتبك أنت.
وبالنسبة لقرض التمويل العقاري فهو بيكون بغرض شراء عقار.. والقرض برضوا بيكون بضمان مرتبك.. لكن البنوك بتحط مدة أطول شوية.. وفي بنوك بتمول لغاية نسبة معينة من قيمة العقار وفي بنوك بتمول العقار كله.
لكن لازم تعرف إن القروض مش أحسن حاجة لأن هي بتمثل عبء عليك في النهاية.. إلا لو كان توظيفك ليها صح.
