الدولار لازم يتوجد.. سر غضب الرئيس

هانت على الدولار وبقت مسألة وقت يتحقق كلام الرئيس السيسي إنه هيبقي أزمة وعدت، ليه بنقول كده وإيه اللي جد وعلاقة تقرير فيتش الأخير بمؤتمر مدبولي بعد كام ساعة.

 حل أزمة الدولار

في الوقت اللي الرئيس السيسي اتكلم وقال إن الدولار أزمة هتبقى تاريخ محدش كان عارف إن فيه خطة متكاملة بتسابق الزمن وبتنفذها هيئات رفيعة المستوى عاملة زي شبكة أخطبوط قوي لتعزيز إيرادات الدولار وكل خطوة كانت محسوبة على كل الأصعدة التشريعية والمالية والاقتصادية وكان الهدف منها حاجة واحدة بس وهي إن الدولار لازم يتوجد وبدأت المهمة.

تدفقات الدولار

بخصوص تعزيز الإيرادات فالدولة نجحت في تحقيق قفزة تاريخية في تدفقات الدولار وقناة السويس جابت 10 مليار دولار مرة واحدة والتصدير دخل 53 مليار دولار  ووكالة فيتش سوليوشنز، توقعت ارتفاع عائدات السياحة في مصر ل 15 مليار دولار وفيه توقعات تانية بتقول 18 مليار دولار، دا غير باقي بنود ايرادات العملة الصعبة زي الاستثمار المباشر وتحويلات المصريين وعوايد الطروحات الحكومية.

وبخصوص الملف الأخير فبعد كام ساعة رئيس الوزارء الدكتور مصطفي مدبولي هيتكلم بالتفصيل عن صفقات ضخمة في بيع حصص من 32 شركة حكومية في الطرح الأول، واستمرت خطة تعزيز ايرادات الدولار الأمريكي  واتحركت الحكومة بقوة في ملف ضبط سوق الصرف، بالتوازي مع الحفاظ على أسعار صرف مستقرة للدولار في السوق الرسمية بالبنوك واتجنبت الصدمات وفي الوقت نفسه واجهت السوق الموازية باجراءات عنيفة جديدة، تسبببت في انهيارها بالتدريج زي ماشفنا ولأول مرة سعر الدولار في السوق السودا قرب على السعر الرسمي بعد هروب اغلبية المتعاملين مع السوق الموازية بعد ارتفاع تكلفة المخاطر وفي نفس الوقت الانفراجة الكبيرة في تدفقات الدولار بالقنوات الرسمية.

جذب الاستثمارات الأجنبية

الحكومة كمان خدت خطوات  متسارعة في ملف جذب الاستثمارات الأجنبية المباشرة، واللي وصلت 11 مليار دولار في 2022، ومع حجم الصفقات الضخمة للشركات العالمية خاصة في منطقة قناة السويس والمشروعات المليارية في الطاقة النظيفة والتنافس الصيني الروسي الهندي على المنطقة الحيوية في العالم خلي سقف التوقعات يرتفع بقوة في الشهور الجاية.

وتشريعيا دخل البرلمان على الخط لدفع ملف الاستثمار واتخلص في قانون جديد تمت الموافقة عليه من كل السلبيات اللي كانت بتعيق المستثمر اللي كانت موجود ة في القانون القديم الصادر في 2017، ورئاسة الرئيس السيسي شخصيا للمجلس الاعلى للاستثمار، كل الجهود اللي قلنا عليها دي بجانب جهود اخرى كاتا بتم خلف الكواليس حقق هدف وأمر وخطة الدولار لازم يتوجد.