الذهب الأسود ينقذ مصر من أزمة الدولار.. إزاي ده هيحصل؟
من نعم ربنا على مصر انه بعتلها في الوقت الصعب مورد دولاري مهم ممكن يغير المعادلة في أزمة الدولار ويساعد في التغلب على نقص أو شح العملة في السوق.. والأرقام اللى بتعلنها الحكومة عن المورد ده مبشرة جدا وبتقول اننا خلال كام سنة مش هيكون عندنا مشاكل كبيرة ليها علاقة بالعملة الخضراء .. فيا ترى إيه الحكاية ؟ وايه الأرقام المهمة اللى تم الإعلان عنها مؤخرا؟
من كام ساعة وزارة البترول والثروة المعدنية أعلنت إن صادرات قطاع البترول المصرى خلال عام 2022 وصلت لـ 18.2 مليار دولار مقابل 13 مليار دولار خلال عام 2021 بزيادة نسبتها 41%
يعنى في عز الأزمة قطاع واحد زي قطاع البترول اللي بيطلق عليها الدهب الأبيض دخل عملة صعبة بمبلغ يقترب من الـ 20 مليار دولار وده رقم كبير جدا بالمناسبة ومش قليل ولو الأرقاقام تضاعفت هنكون قدام تغير جذري
وأضافت الوزارة،
وفي بيان ليها عن إنجازات قطاع البترول خلال آخر 9 سنواتأكدت وزارة البترول ان اللي حصل من تطوير ووصول بأرقام التصدير الى المستويات دي بيعود بصورة أساسية إلى ارتفاع قيمة صادرات مصر من الغاز الطبيعي والمسال خلال عام 2022 لتحقق 9.9 مليار دولار مقابل 3.9 مليار دولار خلال عام 2021 بنسبة زيادة 154%.
وشهد عام 2018-2019 عودة قطاع البترول لأول مرة من سنوات طويلة لتحقيق فائض في الميزان التجاري البترولي بلغ حوالي 631 مليون دولار، واستمر في الارتفاع لتصل قيمة فائض الميزان التجاري البترولي خلال عام 2021-2022 إلى حوالي 5.1 مليار دولار.
وبلغ ما آل من قطاع البترول للخزانة العامة للدولة عن عام 2021-2022 نحو 24.5 مليار جنيه بالرغم من الأزمة الروسية الأوكرانية وذلك مقارنة بعجز بلغ حوالي 77.4 مليار جنيه فى 2016-2017،.
ونجح قطاع البترول في تحويل معدل نمو قطاع الغاز خلال السنين اللى فاتت من سالب 11% إلى موجب 25% عام 2018-2019، في ظل تحقيق الاكتفاء الذاتي للبلاد من الغاز واستئناف التصدير، وكمان بلغ معدل نمو قطاع التكرير حوالي 25% عام 2019-2020.
وشهدت الفترة من يوليو 2014 حتى يونيو 2023 تنفيذ العديد من المشروعات في قطاع البترول والغاز (مشروعات منفذة وجارية)، باستثمارات بلغت حوالي 1.2 تريليون جنيه، بحسب البيان.
وتضمنت المشروعات دي تنمية حقول الغاز الطبيعي والزيت الخام، وتكرير البترول وتصنيعه، والبتروكيماويات، وخطوط أنابيب البترول والغاز، ومستودعات تخزين البترول، وتوصيل الغاز الطبيعي للمنازل، ومحطات تموين السيارات بالوقود والغاز.
