11 بير غاز جديد في مصر ومشروع بـ 900 مليون دولار.. مصر هتعدي
مصر مليانة بالخير وكل يوم أرضها وبحرها بيكشفوا عن ثروات جديدة وموارد خير بتدي ثقة إن اللي جاي أفضل ومصر أخيرا عرفت طريق الاستثتمارات المتعددة والشراكات الاقتصادية الكبيرة بين الشركات المحلية والعربية والأجنبية وبدير ملف الاستثمار بحرفية لأول مرة في تاريخها ياترى إيه حكاية ال11 بير غاز اللي مصر بتحفرهم وإيه موضوع مشروع المليار دولار في مثلث سفاجا.. خلوكم معانا هشان
شركة دانة غاز ودي شركة إماراتية ضخمة في مجال التنقيب عن الغاز الطببيعي والبترول ومتخصصة في قطاع الطاقة ليها استثمارات كتير في مصر وأعلنت من كام ساعة عن مشروع ضخم عيغير خريطة انتاج الغاز في مصر والشرق الأوسط وهو بدء حفر 11 بير غاز جديدة في مصر خلال المدة اللي فاضلة في سنة 2023، وقالت إن الأبار دي هضيف بشكل مبدئي حوالي 80 مليار قدم مكعبة من الاحتياطيات والإنتاج، بحسب محمد المبيضين رئيس علاقات المستثمرين في الشركة.
وحسب تأكيد المبيضين شركة دانة رصدت استثمارات بحوالي 100 مليون دولار لحفر الأبار الجديدة وإن الشركة ليها 4 امتيازات في مصر وبتسعى لضمهم في امتياز واحد ضمن اتفاق ينتظر الموافقة عليه من قبل مجلس النواب.
وقال المسئول إن شركة دانة غاز اتفقت مع الشركة المصرية القابضة للغازات الطبيعية "إيجاس" على تغيير الشروط الاقتصادية الخاصة بعملياتها في مصر، عشان يتيح ليها إمكانية استخراج الغاز من مناطق تتطلب تكلفة أكبر من المتفق عليها حالياً، بحسب رئيس علاقات المستثمرين في الشركة.وتوقع بدء عمليات الحفر في الآبار الجديدة خلال العام الجاري.
وعشان نعرف قد ايه الشركة الإماراتية ضخمة ومصرة على الاستثمار في مصر الشركة هدخل من 6 إلى 8 حفارات جديدة لمناطق التنقيب في البحر المتوسط في السنة الحالية للوصول إلى حفر 16 بئراً مستهدفة.
ومن البحر المتوسط إلى الجنوب في مشروع المثلث الذهبي وطبعا فاكرين المشروع وهو واحد من المشروعات القومية اللي الرئيس السيسي طالب بتنفيذه ومن ساعتها الدولة شغالة على البنية التحتية بتاعته لانها مكلفة جدا ولان المشروع مش قليل، الجديد إن المشروع على وشك البدء من خلال
تحالف أسترالي يضم لايون بريدج وشركة ويست تك واللي بيخطط لاستثمار 875 مليون دولار لإنشاء مصنع لـحمض الفوسفوريك بالمنطقة الاقتصادية للمثلث الذهبي بمدينة سفاجا في محافظة البحر الأحمر، وطبعا دي البداية لمشروع أضخم هيغير شكل المنطقة في جنوب مصر.
