خبر يهم كل بيت.. هل الفراخ هترخص الفترة الجاية؟

خبر يهم كل بيت مصري أسعار الفراخ البيضاء نزلت 4 جنيه للكيلو في أسبوع، والشعبة بتستبعد قفزات كبيرة في الأسعار قريب.

سامح السيد، نائب رئيس شعبة الدواجن، قال إن سعر الكيلو في المزرعة نزل من 80 جنيه ل76 جنيه، لكنه قال إن الأسعار هتفضل مرتبطة بالعرض والطلب وسعر الدولار.

وأوضح إن بعض التجار بيحسبوا تكاليفهم على أساس دولار بـ60 جنيه، تحسبًا لأي ارتفاعات محتملة، وده ممكن يكون سبب في إن الأسعار الحالية واخدة في حسابها زيادات مستقبلية.