الأربعاء 07 ديسمبر 2022
رئيس التحرير
عمرو عامر
المشرف العام
عبدالعظيم حشيش
أخبار

عمرو أديب: القيمة الحقيقية للجنيه هتظهر بكرة

الإثنين 31/أكتوبر/2022 - 01:34 ص
الإعلامي عمرو أديب
الإعلامي عمرو أديب

 

قال الإعلامي عمرو أديب:"سعر الدولار بتاع النهاردة مش السعر النهائي صعودا أو هبوطا، ولكن هو متروك ومحدش ماسكه ولا بيوجهه يمين ولا شمال ولا يوجد مؤثرات عليه، واحنا قاعدين بنتفرج علي سعر الجنيه الحقيقي هيوصل لحد فين".


وأضاف خلال برنامج “الحكاية” المذاع علي قناة “mbc مصر”:"السوق لم يستقر حتي الآن علي سعر معين للدولار، واحنا هنبقى ما بين زيادة أو تراجع للدولار حال قدمت أموال من قرض صندوق النقد الدولي".

ولفت:"الدينار الكويتي بـ81 جنيها والدرهم الإماراتي بـ6.5 والريال السعودي بـ6.30، وهنا السؤال هل الراجل اللى مسافر يبيع دلوقتي ولا السعر ممكن يرفع تاني؟ والكل بيفكر علي الاستفادة، وحزب استنى بيبص علي وجود زيادة، وحزب الحكماء يقولك اصرف 50% واستنى شوية وانا كمان بعمل كده".

وأشار:"إذا كان الجنيه أقوي أو أضعف من سعره الحالي هيبان بكرة قيمته الحقيقية أمام الدولار والعملات الأخرى".

وتابع:"هل انت متوقع أن يكون هناك ارتفاع أسعار في الفترة اللى جاية؟ المؤشرات العالمية يتوقعون نعم هناك زيادات، ولكن الحمد لله احنا عاملين احتياطي في أغلب  السلع من 4 إلي 6 شهور وصارفين فلوس كتير علشان الإتاحة وحتي الآن لم يشكو أحد من الوفرة ولكن دائما الشكوي من زيادة الأسعار".

ولفت:"لأول مرة نرى حقيقة الجنيه طبقا لكل الظروف العالمية والمحلية".

وارتفع سعر الدولار الأمريكي أمام الجنيه المصري في البنك المركزي المصري، امس الأحد  30-10-2022، بقيمة جنيه و14 قرشا بختام التعاملات.