الخميس 19 نوفمبر 2026
رئيس التحرير
عمرو عامر
رئيس التحرير
عمرو عامر
مسئولية مجتمعية

من يناير 2027.. اعرف هتقبض كام بعد زيادة الحد الأدنى للأجور في القطاع الخاص

الخميس 19/نوفمبر/2026 - 02:30 ص
المرتبات
المرتبات

في خبر مهم لكل العاملين في القطاع الخاص.. الحد الأدنى للأجور داخل على زيادة جديدة، وهيوصل لـ8500 جنيه شهريًا، بداية من يناير 2027.

والقرار ده مش لفئة معينة أو نشاط محدد، لكنه هيشمل العاملين في كل منشآت وشركات القطاع الخاص، من غير استثناء.

لمشاهدة الفيديو من هنا 

طيب السؤال الأهم.. الموظف هيقبض كام في إيده بعد الخصومات؟
بحسب مصدر مسؤول، صافي المرتب بعد خصم التأمينات الاجتماعية والضرائب هيتراوح ما بين 7 آلاف و7500 جنيه شهريًا، وده حسب قيمة الاستقطاعات والالتزامات المالية الخاصة بكل موظف.

يعني مش كل العاملين هيكون ليهم نفس صافي المرتب، رغم إن الحد الأدنى واحد.

والزيادة دي بتيجي في إطار محاولات تحسين دخول الموظفين ومساعدتهم على مواجهة ارتفاع الأسعار وتكاليف المعيشة.

والتطبيق هيبدأ رسميًا مع أول يناير 2027.. فهل الزيادة دي هتكون كافية لمواجهة أعباء المعيشة؟