38 مليار دولار وفرتها مصر.. خفض استهلاك الوقود في محطات الكهرباء يحقق مكاسب ضخمة
38 مليار دولار وفرتها مصر.. والسر في تقليل استهلاك الوقود بمحطات الكهرباء.
وزارة الكهرباء نجحت في خفض كمية الوقود المطلوبة لإنتاج كل كيلووات/ساعة من الكهرباء، من 214 جرامًا عام 2014 إلى نحو 170 جرامًا حاليًا.
لمشاهدة الفيديو من هنا
والنتيجة؟ توفير أكتر من 65 مليار متر مكعب من الغاز الطبيعي، بقيمة اقتصادية تجاوزت 38 مليار دولار، وفق تصريحات الدكتور محمود عصمت، وزير الكهرباء.
لكن إزاي مصر قدرت تحقق الوفر الضخم ده؟
السر في رفع كفاءة محطات التوليد، والاعتماد على المحطات الحرارية الأقل استهلاكًا للوقود، مع تغيير أنماط التشغيل حسب نوع الوقود المتاح، لتحقيق أكبر استفادة من كل وحدة وقود.
وكمان الدولة بتوسع دمج الطاقة الشمسية وطاقة الرياح في الشبكة، وبتدخل أنظمة تخزين الكهرباء باستخدام البطاريات، علشان تقلل الاعتماد على الوقود التقليدي.
واللافت إن الشبكة القومية نجحت في استيعاب أحمال قياسية وصلت إلى 40 ألفًا و200 ميجاوات خلال أغسطس 2026، رغم الزيادة الكبيرة في الطلب على الكهرباء.
يعني المكسب مش مجرد توفير في استهلاك الغاز.. ده كمان خفض لتكلفة إنتاج الكهرباء، وتحسين لكفاءة التشغيل، واستغلال أفضل لموارد الطاقة في مصر.
