الأربعاء 18 نوفمبر 2026
رئيس التحرير
عمرو عامر
رئيس التحرير
عمرو عامر
أخبار

الأسعار مش هتزيد غير بعد سنتين.. مفاجأة صادمة عن أسعار الدهب

الأربعاء 18/نوفمبر/2026 - 07:00 ص
أسعار الذهب
أسعار الذهب

هو الذهب خلاص فقد بريقه.. ولا اللي بيحصل دلوقتي مجرد تصحيح قبل انطلاقة جديدة؟ وهل اللي بيفكر يشتري دهب يستنى ولا يستغل التراجعات الحالية؟ وإمتى المعدن الأصفر ممكن يرجع يسجل أرقام قياسية؟

لمشاهدة الفيديو من هنا 

بنك جولدمان ساكس فجر مفاجأة في توقعاته لأسعار الذهب.. وقال إن المعدن النفيس ممكن يحتاج لحد نهاية 2028 عشان يرجع لمستوى 5600 دولار للأوقية.

البنك خفض توقعاته لسعر الذهب بنهاية 2027 من 4800 لـ4650 دولار.. وده معناه إن رحلة الصعود مش هتكون سهلة زي ما ناس كتير كانت متوقعة.

طيب إيه اللي ضغط على الذهب بالشكل ده؟

السبب الرئيسي هو اتجاه الفيدرالي الأمريكي لتشديد السياسة النقدية ورفع أسعار الفائدة.. لأن الفائدة المرتفعة بتخلي السندات والاستثمارات اللي بتقدم عائد أكثر جاذبية من الذهب اللي مش بيدي عائد دوري.

وكمان طفرة الاستثمارات في الذكاء الاصطناعي وارتفاع عوائد السندات زودوا الضغوط على المعدن الأصفر.. لدرجة إنه خسر حوالي 11% من بداية السنة.. بعد ما كان سجل قمة تاريخية قرب 5600 دولار في يناير.. وبقى بيتداول قرب 3860 دولار للأوقية اليوم.

لكن فيه عوامل ممكن تسند الأسعار.. أهمها مشتريات البنوك المركزية اللي جولدمان ساكس متوقع استمرارها بمعدل 60 طن شهريًا خلال 2026 و2027.

والبنك شايف إن الفيدرالي ممكن يرفع الفائدة في ديسمبر ومارس المقبل.. وبعدها يبدأ دورة خفض الفائدة في النصف التاني من 2027.

يعني باختصار.. الدهب لسه قدامه ضغوط على المدى القريب.. لكن الرهان على المدى الأطول مرتبط بعودة خفض الفائدة وزيادة الطلب الاستثماري.