انتخابات أمريكا تقلب حسابات إيلون ماسك.. تسلا وسبيس إكس تخسران 411 مليار دولار
إيلون ماسك خسر مليارات الدولارات في أيام قليلة، والسبب المرة دي مش صفقة فاشلة ولا أزمة في شركاته، لكن نتائج انتخابات الكونجرس الأمريكي.
بعد مكاسب الديمقراطيين الانتخابية، أسهم تسلا تراجعت بنسبة وصلت لـ12%، وسبيس إكس خسرت حوالي 11%، وده تسبب في تبخر نحو 411 مليار دولار من القيمة السوقية للشركتين.
والخسارة ماوقفتش عند الشركات بس، ثروة ماسك الشخصية تراجعت بحوالي 74 مليار دولار، بعد خسارته 33.5 مليار دولار في جلسة واحدة، لكن رغم كل ده، لسه محتفظ بلقب أغنى رجل في العالم، بثروة مقدرة بحوالي 790 مليار دولار.
إيه بقى علاقة الانتخابات بالخسائر دي؟.. المستثمرين قلقانين من تأثير تغير موازين القوى في الكونجرس على أعمال ماسك، خصوصًا في تكساس، وملفات الذكاء الاصطناعي ومراكز البيانات والتعاملات الحكومية.
والأنظار كمان متجهة لصفقة الاندماج المحتملة بين تسلا وسبيس إكس، وسط تساؤلات عن مستقبلها وإمكانية زيادة التدقيق الرقابي عليها.
