محور الضبعة يحقق 8 مليارات جنيه.. وخطة ضخمة لتطوير النقل في مصر

مشروعات النقل في مصر مش مجرد طرق وكباري، لكنها استثمارات بتفتح أبواب جديدة للتنمية والتشغيل، وده اللي أكده الفريق كامل الوزير، وزير النقل، خلال مشاركته في منتدى مصر 2026.

الوزير استعرض تجربة محور الضبعة، اللي بيربط القاهرة بالساحل الشمالي بطول 300 كيلومتر، وبيقلل زمن الرحلة لحوالي ساعتين ونص. 

المحور ساهم كمان في استصلاح 200 ألف فدان، وجذب استثمارات وصلت لحوالي 8 مليارات جنيه خلال الفترة من 2014 لحد 2025، بجانب توفير 381 ألف فرصة عمل، وتحقيق وفر سنوي في الوقود يقدر بملياري جنيه.

وفي خطة التطوير، تستهدف الدولة استكمال تحديث شبكة السكك الحديدية الحالية بطول 10 آلاف كيلومتر، والتوسع في خطوط جديدة تخدم المدن الصناعية.

أما الموانئ، فالمستهدف الوصول لـ19 ميناء تجاري، ورفع طاقة التداول إلى 40 مليون حاوية سنويًا، مع تدعيم الأسطول البحري ليصل إلى 40 سفينة بحلول 2030.

الفكرة الأساسية أن تقييم المشروعات مش بتكلفتها بس، لكن كمان بالعائد الاقتصادي والاجتماعي، وتكلفة تأجيلها.