محصول ثالث يدخل سباق التوسع الزراعي.. لماذا تزيد مصر مساحات الذرة الشامية؟
بعد القمح والأرز.. محصول ثالث بيدخل بقوة في سباق التوسع الزراعي في مصر.. وهو الذرة الشامية.
طب ليه مصر بتزود المساحات المزروعة منه؟
الذرة الشامية مش مجرد محصول غذائي، دي واحدة من أهم المحاصيل اللي داخلة في صناعات وقطاعات كتير.
بتستخدم في إنتاج الأعلاف، وده بيخليها مرتبطة بشكل مباشر بصناعة الدواجن والثروة الحيوانية والسمكية.
وعشان كده، زيادة إنتاج الذرة الشامية بتساعد على توفير جزء أكبر من احتياجات السوق المحلي من الأعلاف، وتقليل الاعتماد على الاستيراد.
وفي نفس الوقت، التوسع في زراعة الذرة بييجي ضمن توجه لزيادة إنتاج المحاصيل الاستراتيجية، وتحقيق قدر أكبر من الأمن الغذائي.
لكن الموضوع مش مجرد زيادة مساحات وخلاص..
فيه اتجاه كمان لاستخدام أصناف وهجن عالية الإنتاجية، مع تحسين أساليب الزراعة والري، علشان الفدان يحقق إنتاج أكبر من نفس المساحة.
والطلب على الذرة الشامية بيزيد مع نمو قطاعات الثروة الحيوانية والداجنة، وبالتالي بيزيد الاحتياج للمحصول كمكوّن أساسي في الأعلاف.
يعني ببساطة.. مصر بتوسع زراعة الذرة الشامية لأنها محصول مرتبط بالأكل والأعلاف والإنتاج الحيواني في نفس الوقت.
والهدف إن زيادة الإنتاج المحلي تساعد في سد جزء أكبر من احتياجات السوق، وتقلل الضغط الناتج عن فاتورة استيراد الأعلاف والحبوب.
