العمرة 2026 داخلة على موسم جديد.. اعرف الأسعار والبرامج قبل ما تحجز

لو ناوي تعمل عمرة في 2026، فأسعار البرامج بتختلف حسب مستوى الفندق، ومدة الإقامة، وميعاد السفر، والخدمات الموجودة في البرنامج.

قدامك أكتر من اختيار، بداية من العمرة الاقتصادية، لحد برامج الـ4 نجوم والـVIP اللي بتوفر إقامة أعلى وخدمات وانتقالات مميزة.

وبحسب الأسعار المعلنة، فيه برامج بتبدأ من حوالي 20 ألف جنيه للرحلات القصيرة، بينما برامج الـ5 أيام بتتراوح من 20 لـ26 ألف جنيه، والـ7 أيام من 30 لـ40 ألف جنيه، والـ10 أيام ممكن توصل من 44 لـ65 ألف جنيه، وفي برامج تانية بمستويات إقامة أعلى، زي الـ4 نجوم، بتبدأ من حوالي 41 ألف جنيه، وبتزيد حسب الفندق وميعاد الرحلة.

كمان أسعار العمرة بتتغير على مدار الموسم، وممكن توصل لـ108 آلاف جنيه في بعض المواعيد، وقبل السفر، لازم يكون جواز السفر ساري 6 شهور على الأقل، مع التأشيرة والتطعيمات المطلوبة، والحجز من شركة سياحة معتمدة.