10 آلاف شقة في 26 مدينة.. اعرف مواعيد وشروط حجز الإيجار المنتهي بالتملك
الإثنين 21/سبتمبر/2026 - 02:30 ص
لو نفسك تحجز شقة بنظام الإيجار المنتهي بالتملك، خلي بالك من المواعيد والأرقام دي، لأنها مهمة جدًا قبل التقديم.
الطرح الجديد بيضم 10 آلاف وحدة سكنية في حوالي 26 مدينة جديدة، بمساحات مختلفة من 57 لحد 161 مترًا للوحدات المنفذة، ووحدات تانية بمساحات من 90 لـ126 مترًا.
الحجز هيبدأ على مرحلتين؛ الأولى من 20 لـ27 سبتمبر، ومخصصة لذوي الهمم، وبعدها المرحلة التانية من 28 سبتمبر لحد 28 أكتوبر، ودي متاحة لكل المستوفين للشروط.
الإيجار الشهري بيتراوح من 1500 لـ2000 جنيه، حسب مساحة وموقع الوحدة، وفي دعم للإيجار ممكن يوصل لـ100 ألف جنيه.
ومن أهم الشروط أن سن المتقدم يكون من 21 لـ35 سنة، وصافي دخل الأسرة مايزيدش عن 16 ألف جنيه.
كمان فيه 365 جنيه مصروفات تسجيل، وتأمين 10 آلاف جنيه للوحدة، والتقديم بيكون إلكترونيًا من خلال منصة «مسكن».
