مرتبات بتوصل لـ30 ألف جنيه.. وزارة العمل تعلن 846 فرصة شغل جديدة
الأحد 13/سبتمبر/2026 - 07:00 ص
لو بتدور على شغل بمرتب كويس، فوزارة العمل أعلنت عن فرص جديدة في شركة لخدمات الأمن والحراسة، والمرتبات في بعض الوظائف بتوصل لـ30 ألف جنيه شهريًا.
الفرص المعلنة عددها 846 وظيفة، وأكبر نصيب منها لأفراد الأمن، حيث توفر الشركة 800 وظيفة بمرتبات من 7 آلاف لـ8500 جنيه.
وكمان فيه 30 وظيفة مشرف أمن بمرتب من 9500 لـ10 آلاف و500 جنيه، و10 وظائف مسؤول عمليات بمرتبات بتوصل لـ30 ألف جنيه، بالإضافة لـ15 مدير موقع براتب يصل لـ17 ألف جنيه.
ولو عندك خبرة في التوظيف، فيه 5 وظائف أخصائي توظيف بمرتب من 15 لـ20 ألف جنيه.
التقديم متاح لأعمار من 20 لـ50 سنة حسب الوظيفة، والمميزات تشمل التأمينات الاجتماعية والطبية، وزيادة سنوية، وفي بعض الوظائف فيه وجبات وإقامة، وكمان 4 أيام راحة.
والتقديم ممكن يكون من خلال وزارة العمل ومديريات العمل أو بالتواصل مع الشركة مباشرة.
