متروحش السجل المدني.. جدد بطاقة الرقم القومي أونلاين واعرف تعملها إزاي

لو بطاقة الرقم القومي بتاعتك محتاجة تجديد، مش لازم تروح السجل المدني وتستنى في طوابير، تقدر تعمل الإجراءات أونلاين من خلال منصة مصر الرقمية.

في البداية لازم تعمل حساب على المنصة، وده بيكون بإدخال الرقم القومي، والاسم الأول للأم، ورقم الموبايل، وبعدها هتوصلك رسالة فيها كود تفعيل مكون من 6 أرقام.

بعد تفعيل الحساب، ادخل على خدمات الأحوال المدنية، واختار خدمة تجديد بطاقة الرقم القومي، وبعدها سجل بياناتك، وحدد طريقة استلام البطاقة، وادفع الرسوم إلكترونيًا.

ولو فيه تغيير في البيانات، ممكن تحتاج مستندات تثبت البيانات الجديدة، زي صورة البطاقة القديمة، وإيصال مرافق لإثبات محل الإقامة، ومستند معتمد لإثبات المهنة.

وخلي بالك، قبل ما تأكد الطلب، راجع بياناتك كويس، خصوصًا محل الإقامة والمهنة، واختار نوع الاستمارة حسب مدة الاستلام المناسبة ليك.

والخدمة دي متاحة لتوفير وقتك ومجهودك وإنهاء الإجراءات إلكترونيًا.